母親節正日呢!! 朋友一早訂機票時問我母親節當日去旅行有冇問題，我已經一口答應，因為mm本身唔鍾意正日慶祝 (mm仲開口叫我去完旅行先返來食飯)，但我返來幾日都問過好幾次，佢都依然話遲ｄ先，同埋ｐｐ節一起慶祝仲好。 當然我臨走前好識做地買左份禮物送比mm。

一早起身搭乘10:35機到東京，今班機係大機A330，但都FULL哂!! 而每個座位，枱後都有個插蘇位比乘客用，唔錯既design呢!!

到達東京只不過是14:30，唔算太多人入境。　但原來行遲一步，卻差天共地。　因為我地一行８人，有d行得快好似我咁，就好快攪掂可以去拎行李，其中有幾位要梳洗，就慘啦!! 因為佢地撞正另一班機到埗，多左好多人排隊入境。　最後我地集合返，兩班人入境時間也要相差30分鐘呢!! 加上過關時入境署staff有d都問得幾details!!  所以我地預鬆d時間唔即刻搭JR到金澤，改以輕鬆版坐夜車。好彩今次出閘到海關冇叫我打開哂行李比佢地check，(因為對上3月份來東京玩既時候，真係叫我同G小姐打開哂行李)　如果要check 8 個人都有排check啦!! 集齊人之後，大家先到JR Ticket office register JR 7日PASS，順道Reserve埋其他車票。 看看時間，不經不覺到了16: 30，我地仲reserve埋NEX出東京。

之前講過因為冇左班夜行列車，於是朋友希望住宿一晚名古屋，第二日坐車到金澤。橫掂落去名古屋再住也要三更半夜，倒不如嘗試找找有冇夜行巴士到金澤。　其實方間有好多夜行巴士http://www.123bus.jp呢個website，入面有幾間唔同既巴士公司比你揀，價錢唔貴之如仲可以慳番一晚酒店。　不過詢問過大家意見，既然有張JR PASS唔好浪費，於是再試找JR BUS http://www.jrbuskanto.co.jp/mn/ajtop.cfm，發現東京到金澤夜行巴士要7000多yen ，而且時間都幾perfect!!  不過JR PASS唔可以使用。

原來JR PASS只限某幾條長途巴士利用，而東京到京都/名古屋是免費的。 不過reserve要先行於website內付款。　所以我地email詢問詳情及可否幫我地留位，日本JR公司答覆今次可以幫我地reserve東京駅到京都駅overnight bus及唔需要付款，只要當晚到counter取票出示JR PASS便可以了!!

到了東京駅，我地放低哂行李到locker後，便到八重洲名店街一逛

其間發現有一間買小雙俠on sale，每件item都係100yen，掃了幾件回來。

行完，見時間差唔多，都要食晚飯，準備夜晚坐車到京都。　上年年中東京駅一番街開立了拉麵街，內有幾間唔錯既拉麵舖。　幾間拉麵店都各有特色，不過我地最想想食呢間拉麵 六厘舎TOKYO （ロクリンシャトウキョウ）就最有來頭。

無理由等咁耐，諗過都係今次唔試呢間龍頭店，不過下次來日本，我一定要食呢間先。就方便咪去左隔離間　らーめん むつみ屋 東京八重洲店 食.

每人點了碗拉麵，因為我係一個勁愛辣既人，所以我order了赤味噌濃湯拉麵，仲特登加多隻玉子，麵到我地幾個隻眼已經望住開邊玉子。　ＨＡＨＡ真係糖芯蛋呀！　大家唔等就即刻試食了一口，好正!! 那100yen值回票價啦~~~

之後仲有時間，便到周圍行下。我地去左間麵包店買定少少麵包（怕大家明早起身肚餓）。

食拉麵之前都有經過呢間shop，那時沒有特价，一個麵包起碼都要200yen。　點知食完麵行出來發現一大包都係500yen，而入面有成７個mini breads，有d仲要係牛角酥。行左唔夠１５分鐘，好多店舖都關門。　我地都唔想行來行去，到了一間GOLDEN SPOON食GELATO hea一陣，等到2200先動物。

呢間gelato sell既係zero calories!! 所以我地每人一大杯，最大size都係500yen，而且仲可以揀兩種唔同味道：焦糖（平時食呢個一定肥屎），strawsbeery cheese cake，ginger，double chocolate及strawsberry，款款都唔錯。食完差唔多hea到2210，我地便到toilet梳洗及清潔下，再到locker取行李前往車站等車。之前JR BUS封email都叫我地要提早到，但其實我覺得唔需要，因為我地係食飯前已經到了ticket office換好哂車飛，所以我地一行八個企係個站頭等車到，無聊影下相。站頭仲貼上大字布寫低哂所有夜行巴士既時間表，上面仲寫住2010/3/13改正。原先我地可以搭早一班(23:00) 車到達京都，但隨行有兩位男仕，所以我地唔可以book LADIES CAR.  我地book了2310巴士，車好準時到站，我地一行８人剛好坐哂係下層。唔怕我地大聲講0野嘈親其他乘客。座位都好闊落，仲提供拖鞋比每一位乘客。真係貼心!!  而我坐左一陣已經訓著左，而且好＂臨＂。其間有兩次停車開門，我都唔知呢!! 可想而知，座位都算唔錯啦。 睇返時間表，我地會係明早0641到達京都駅，好期待快Ｄ到呢！

Source: http://www.jrbuskanto.co.jp/bus_route/cotimep01.cfm?pa=1&pb=1&pc=j0010061&pd=0&st=1#detail01