我地起身後見天氣唔錯,便到了酒店泳池游水。原來一落水幾凍,唔怪之得整個泳池只有我同小吉子游水,其他人就係岸邊曬太陽。不過個泳池咁靚,唔好浪費啦!! 我地都游左一陣先上岸。
![](https://ishiha.travel.blog/wp-content/uploads/2010/10/d0294-p1090289.jpg?w=760)
做完運動便到了餐廳食早餐,先別說餐廳環境,食物質素王的確唔錯架。雖然款式唔算多,但總有喜歡既選擇。吃早餐時人也算多(早上9點多),所以室外用餐位置已經full哂!! 我地快快留係室內吃完便出發了!!
其實今日沒有特別行程,旨在係Mykonos隨意遊。但食早餐時,小吉子提議到Delos,其實我昨日也有這樣的打算,不過每日天氣變化很大,去唔去都係睇當日天氣而決定。查過書及online到http://www.backpackers.com.tw 睇過11:00應有一班船到Delos,我地去到old port剛好接近10:00,到ticket office問一問,原來當日最後一班船是10:00,我地兩個仲目送最後那班船開出呢!!雖然去唔到Delos,但我地見到兩隻島主Pelican,一隻好懶不停訓覺,而另一隻就好活躍,仲行來行去呢!! 見到Pelican同時見到一隻好得意好高竇貓,見到佢人中位置就好笑啦!! 好似人地有鬍鬚咁,不過我行埋去佢一d都唔驚。
由Paraportiani行入去,見到呢間鞋店,不過未開(因為我想買對皮涼鞋)
原來行入去真的是別有洞天,一條小巷內除左有兩間餐廳外,仲見到一個咁靚既景呢!! 真係可以一次過滿足哂,影到5座風車正面加埋海邊。
因為隨意行,又行返去6座風車影相,因為琴日來既時候好大風,冇哂心機影相。不過今日就唔同,見天氣好好,自然心情都唔同哂,人都開心呢!! 而且人影一個都冇!! Super Nice!!
興奮既心情又開始,好快會到Paradise Beach,唔知環境係咪同名一樣咁Paradise呢?