之後就跳上了車子向羅騰堡進發, 羅騰堡(Rothenburg ob der Tauber)是德國中南部羅曼蒂克大道與古堡大道交會處. 由符茲堡Würzburg駕車去也只是一小時的車程. 那處有點像活化石, 入城還得駛進城門.
入到去就像一個很大的圍村, 樣樣都古色古香的, 同埋街道像個迷宮. 當日我地仲遇著整路, 如果單靠自己在google map預設路線, 便要即時人肉再決定點行. 車在小巷中又不能停埋一邊看地圖, 如果車上沒有導航, 肯定又要唔知兜幾多圈才到酒店.
去到上址入門口, 還以為自己去錯, 一進去是個餐廳, 走出門口再看一次, 名字無錯呀. 之後問問侍應, 原來是前餐廳後酒店. 收銀處亦係reception desk. 因為街道複雜, 老闆帶我們駛到停車場, 順便都教我們怎樣離開…轉左轉右的其實記不到, 心想離開是都要靠GPS了…
放下了行李, 已是七點了, 店舖都閂哂門, 不過四處走走感受下這個像時間停頓了的城市也不錯. 酒店地點超方便, 走出去便是市中心廣場. 一路走就感到有如走進了中世紀.
羅騰堡有著中世紀風貌, 而且這裡更是胡桃甲子故鄉呢!
其中最漂亮的就是Kathe Wohlfahrt門口這隻胡桃甲子. 
這裡有好多其他紀念品店, 間間櫥窗擺設都好精彩
呢間是羅騰堡最高級最有名的"鐵帽飯店"(Hotel Eisenhut)
行左一陣便回酒店吃晚飯, 小吉子叫了一碟蒸魚, 味道不錯. 我叫了一個磨菇汁麵包球, 因為不想吃肉. 怎知我那個好鹹, 最後吃了少少便給小吉子吃, 他吃慣濃味都皺哂眉頭.
第二朝起身陽光普照, 清潔楚楚可以看見酒店內既古典細節.
吃過好豐富既早餐後, 便出去行街街. 先到了羅騰堡舊地內影相. 這個城市最大吸引就在於其美麗既中世紀街景, 第二次世界大戰期間有40%被破壞, 之後再重建.
市中心廣場
廣場角落這棟木造建築是瑪麗恩藥局(Marien-Apotheke)建於15世紀.
Plönlein (Little Square) 係其中一個較熱門拍攝既地方
Sieberstum塔樓
我地仲去返昨晚經過賣雪球(Schneeball)的店, 買了兩個試, 味道都ok, 似香港酒樓吃既沙翁.
之後到了聖誕村, 其實是一間賣聖誕飾物的商店. 
見到呢個好得意既胡桃甲子
那個紀念館我們沒有去, 反而穀古鐘就令小吉子好興奮, 很想買但又不知掛在家中哪兒, 最後作罷. 而我亦好欣賞那些聖誕飾物, 但便宜, 一般都五, 六十元起. 所以雖然精美, 但一想到要掛滿一棵五呎高的聖誕樹, 熱情亦冷卻了.
我地只係羅騰堡留了一個早上, 之後便駕車離開到天鵝堡了. 如果有時間的話, 不妨到羅騰堡城牆走一走, 那裡可遠眺整個市中心.
Ishiha Wanderlust 
呢條聖誕村係一年365日都賣聖誕飾物架? 好靚呀! 聖誕節黎一定好有聖誕氣氛呢~
讚讚
聖誕村其實係間shop, 賣好多好多聖誕飾物, 價錢唔算貴. 其實聖誕節去德國, 應該會好好玩, 特別係佢地d屋好有中古色彩, 落埋雪更加有氣氛.
讚讚
好靚好靚呀! 今年聖誕前都 plan 緊個 road trip 去歐洲的 christmas market, 可惜 Rothenburg 由倫敦揸車的話有點遠!
讚讚
由london揸車過去真係遠, 其實去法國Lille & Strasbourg有最大既christmas market, 你可以考慮下.
讚讚