上星期放大假沒有節目, 不過臨近小吉子同我的生日, 心痕下好想去個短旅行. 本想打算於澳門過生日便算, 最後上網見到CX做Promotion, $900二人同行飛台北, 唔理咁多, 係出發前4日才買機票到台北一遊, 沒想到今次去台北, 沒有任何行程下有意外收穫呢!!
不過係出發當日由於小吉子仲要返工, 所以我地搭黃昏機到台北, 點知一個鐘既機程, 卻足足delay左成1.5 hours, 真有小小激氣. 印象上幾次到台北, 無論坐CX又好, Evergreen又好, 都係delay一個鐘. 很掃慶呢!!
到達台灣桃園機場, 落機時間已是晚上09:45. 雖然個機場新裝好靚!! 但也沒有太大心情慢慢行慢慢感受. 只想一心快快到達酒店及吃晚飯. 今次我們入住西門町附近酒店, 晚上想食0野都可以落街找, 很方便呢! Checkin房間後, 便馬上出門往街上買東西吃, 實在太餓啦!! 因為機上只提供一份麵包及飲品.
買了幾串串燒, 可加辣, 好好味呢!! 而小吉子買了大腸包小腸. 小吉子大力推介呢個大腸包小腸, 他說好吃過台中或夜市吃到的, 不過因為是車子檔, 沒有名子摘錄.
因為之前睇過weather forecast話會下雨的,休息了一晚後, 第二日是我地生日正日, 見天氣不錯, 好好彩呢!! 所以我突然決定要走去看櫻花.
上網看過很多地方可以於台北賞櫻花, 找到這個網有最新花況情報, 及參考了這個blog資料, 櫻花前線提到天元宮現正櫻花滿開, 於是便坐車過去看看.
到淡水天元宮, 必先坐捷運到淡水站, 然後坐天元宮專線巴士上山. 很易找的, 車站有清晰指示.
大概20分鐘左右便到了天元宮停車場
整個天元宮唔算大, 但來欣賞櫻花的人很多. 到處都見腳架長鏡