今日下午便要離開Tasmania, 我地搭乘1350由Launceston出發班機前往Melbourne.  去到Melbourne, 好快可以拎到行李離開機場.  因為我地4個人既關係, 所以坐的士出市區係最方便, 而且比較划算.  車程大約30分鐘左右.  Check in酒店後, 我地就開始漫步墨爾本啦!!

雖然係機上有吃到Snack, 不竟去到墨爾本, 應該要試下當地好吃又便宜的正宗越南料理.    湄江牛河屋位於唐人街上, 位置好好找.  店內有好多小食可以點, 不過我地要留肚食晚餐, 所以唔敢叫太多. 我地每人點了一碗河粉.  我點了生牛肉湯河, 清爽既湯頭, 生牛肉片帶粉紅色.  吃過一口, 大家都覺得好好味!!  而且枱上有魚露及辣椒自己加添.  

女人始終愛shopping.  之前咁多日係Tasmania都係去supermarket入貨, 小鎮上好少有特色既小店或Shopping mall.  襯住係Melbourne, 我地就開始買買買……所以今篇都講下澳洲買物篇吧!!

1. Tea Tree Oil
Thursday Plantation茶樹油100% Pure, 價錢平而且好用.  一枝AUD$4.99.  建議稀釋後再搽上身使用.  消腫很有效.  Thursday Plantation產品好多, 另外Rosehip Oil 玫瑰果油好好用.  可以改善暗沉及疲倦的肌膚及補充乾燥肌膚水分, 改善乾燥及敏感性的肌膚, 減輕因為過度曝曬而脫水的狀況.  Rosehip Oil大概一枝都係AUD$15.

2. Emu Oil
朋友叫我幫佢買的.  Emu Oil為肌肉和關節痛的特效按摩油.  早在數千年前, 澳洲原居民就已發現鴯苗油具有減輕關節及肌肉疼痛的功效.  一枝要AUD$29 

3. Lucas’ Papaw Ointment 木瓜膏
純天然木瓜膏有抗菌性能, 適用於外敷, 用途有助於防止輕微擦傷, 燒傷及割傷, 嘴唇乾裂, 皮疹及痱子, 輕微的傷口, 尿濕疹, 燙傷, 曬傷….etc.  有細枝裝, 大約AUD$5-6, 送禮更方便.

4. Jurlique
澳洲品牌,創立於1985年, 他們的產品強調是100%萃取活機植物精華.  十多年前開始用Jurlique護手霜就愛上了.  非常吸收, 又滋潤, 較持久, 而且唔"立".    我個人覺得買set比較抵.  上個月有家人由澳洲返港, 所以係澳洲機場托買了一個X’mas Set, 價格係香港半價左右.

5. Crunchie & Tim Tam
細個既時間, 有見過Crunchie, 之後都好少見有得買.    呢隻Crunchie係可以加上雪糕面做Topping, 做抄雪糕/雪糕 sandwish又得.  口感又好, 而且細細粒.  同事吃過後, 也讚好味.

Tim Tam我好少食, 不過來到澳洲買少少吃既手信是需要的.  所以買了Tim Tam Bites, 又係喜歡佢可以細細粒, 唔會話一大舊好甜.

購物完畢, 又要開餐啦!! 我地今晚去左間Review唔錯既餐廳吃蠔.   順利完成整個行程, 當然要食好d.