【芝櫻✤櫻花】5月北海道の9天賞櫻自駕之旅 地球的盡頭知床八景

Published on 由Ishiha Y撰寫
今日行程會去知床半島, 不過去程時會經過網走, 所以順度去埋網走.  先到了網走監獄, 不過見到沒有太大興趣就skip左.  沿路再上, 便到了天都山.

 山上有個鄂霍茨克流冰館, 我地入左去參觀.
館內設有零下15度的流冰體驗室, 展示真正流冰的巨大冰塊
可以入去流冰體驗室時, 職員會提供禦寒衣物及給你一條濕毛巾, 指示你把毛巾帶入去, 出來時濕毛巾會因結凍而變得直立.
館內有展示流冰天使, 是名為Clione的軟體浮游生物.  它原本生活於北極海水深約350米的海域, 因為流冰既關係被帶到來.  流冰天使有著透明的身體, 及一對翅膀, 係前進既時候, 翼會拍動好似飛行狀態咁樣, 好得意呢!!   而身體中間紅色部份係消化器官, 頭上一對角則是觸手, 全身只長約2~3公分, 屬於好迷你的生物.
 之後, 我地就開車往知床, 一路沿著海邊走
 
知床半島(Shiretoko) 名稱的來自於愛奴語的「シレトク(sir etok)」, 意味著「大地之果」、「大地突出之所」與「地球的盡頭」.  而家為止, 知床半島是日本還未被完全開發的一帶, 所以仍保存著最原始的自然風貌, 故有「日本最後的秘境」之稱.
 
知床半島有名的「知床八景」, 包含擁有最高人氣既知床五湖及雙美瀑布(オシンコシンの滝)、弗萊裴瀑布(フレペの滝)、怪獸岩石(オロンコ岩からの眺望), 還有觀賞夕陽的推薦景點─陽台及普祐尼峽(プユニ岬からの眺望), 與知床峠和神威稚湯瀑布(カムイワッカの滝), 想知多D, 可以睇LINK.
 
知床五湖地處偏遠, 所以沒有直接車可以到.  最近於斜里開車來, 也要1個鐘.  也或者於斜里可以坐觀光巴士, 詳情可以睇斜里巴士官網
 
首先我地去左遊客中心拎資料, 原來入面都幾多野睇, 不過時間所限, 我地就冇慢慢睇啦!!
 入面仲有得帶鹿角帽同埋扮熊, 估唔到頂帽咁重!
到達雙美瀑布(オシンコシンの滝), 開頭以為瀑布好細, 點知行上去睇, 原來都幾壯觀.
 水花好大呢!!
之後見到好似一隻龜既石山.
原來呢隻龜石山係八景之一, 有樓梯可以上去, 不過上左一半,  個景又唔算好吸引, 所以我地就落返來.  
 怪獸岩石(オロンコ岩からの眺望)
開始駛上山啦!! 行行下又見到個牌, 想停車影相都係去避車處停低, 拿氧臨影相走.  呢個又係八景之一: 普祐尼峽(プユニ岬からの眺望),
呢個景確實唔錯!!
 好好彩呢段知床横断道路剛剛開, 因為每年冬季(10月尾-4月尾) 會關閉, 可以去埋知床峠
 條路好靚!! 周邊都係雪呢!!  如果D雪高D, 有少少似去左立山黑部.
上到去八景之一: 知床峠.  若車沿路直駛, 應該會到了羅臼,  講開羅臼, 我就諗起昆布啦!!  雖然產量唔多, 但煮高湯, 味道勁濃, 羅臼昆布與真昆布同屬於高級昆布, 相對價錢貴D.   我係知床遊客中心同埋係道東一帶既魚市場見過有羅臼昆布賣, 最平D既利尻及日高昆布亦有.  百貨公司買就更貴啦!!
講返正題, 上到去知床峠, 以為有陽光, 其實係超級大風
之後就落返山去知床五湖啦!! 我昨晚係網上預約左入園時間, 見差唔多, 就要趕返落山啦!
 
到了知床五湖遊客中心,  遊五湖分兩個方法: 1) 走高架木橋, 有完善既防熊設施, 而且全年免費開放.  2) 地上遊步道, 應該會比較剌激, 不過行既時候有機會遇到熊出沒.  加上有唔同既期間, 限制步道遊人入五湖規則.
入園前要填表及取申請書
同埋入園前要聽埋講解.  基於我去既時候係屬於自由利用期, 所以只需於聽講解就可以自己行.
期間 自由利用期
(開園～5/9)		 棕熊活動期（5/10-7/31） 植生保護期(8/1-10/20) 自由利用期
(10/21-閉園)
高架樹道 開園中是不論什麼時候都免費！沒有手續可以往返到一湖為止。（不能從高架樹道路下到地上人行道）
地上人行道 收費（需要解說員的聽講）
大環線(五湖～一湖,1週約3公里,需要：90分)		 收費（事前需要嚮導旅遊的申請）
大環線(五湖～一湖,1週約3公里,需要：約180分)		 收費（需要解說員的聽講）
大環線(五湖～一湖,1週約3公里,需要：90分)		 免費　大環線
收費（需要解說員的聽講）
小環線(二湖～一湖,1週約1.6公里,需要：約40分)		 收費（需要解說員的聽講）
小環線(二湖～一湖,1週約1.6公里,需要：約40分)		 免費　小環線
不過好可惜, 前兩日有熊出沒
所以今日只能去到一湖及二湖, 即係粉紅色路線.  睇片時講解員會話你知, 遇到熊出沒時應該要點樣做.
source: http://www.goko.go.jp/hantai/rule.html
 
睇完片就自己行啦!!
先到了二湖, 不過冇想像中咁靚.  最主要原因係我地沿粉紅路線行只去到二湖邊皮, 所以視野較窄.  如果由其他湖行去二湖, 視野會更廣闊, 影相會更靚
 
睇完二湖, 好快就到了一湖啦!!  如果冇咁大風, 影到知床連峰水中倒影就一流.
 見到高架木橋
 上到木橋, 可以好放心地行
都唔駛多講真係靚!!  紅葉時間到仲靚
 
既然今次去唔哂五湖, 又有來多次既藉口啦!! HAHA

在〈【芝櫻✤櫻花】5月北海道の9天賞櫻自駕之旅 地球的盡頭知床八景〉中有 5 則留言

發表留言

這個網站採用 Akismet 服務減少垃圾留言。進一步了解 Akismet 如何處理網站訪客的留言資料。