今早起身吃過早餐後, 與民者主人道別後, 便往神之子池出發. 今次選擇於川湯溫泉駅附近住宿, 係方便今日既行程. 剛好川湯溫泉駅係夾係屈斜路湖及摩周湖中間, 去兩邊也方便. 首先我地向裹摩周湖那邊開車, 期間會見到細小既路牌寫著神之子池. 轉入小路再駛大約5分鐘左右, 便見到停車處. 不過小路唔係幾好, 全部也是石路, 有時更見路上有大石洞要避開.
呢個神之子池水深只有五米, 卻不可思議的清澈見底, 而且更有著神秘的藍色, 神之子池是由摩周湖的地下伏流水所形成的池塘, 與青池有點類似. 池水既顏色好靚, 好似藍寶石.
因為池水太過清澈了, 以至旁邊樹木的倒影都拍哂入鏡.水中既木神奇地冇變枯.
神之子池被森林包圍著, 影呢張相, 好似去左外國, 其實只係去左日本….森林入面仲係有雪架
遊畢完神之子池, 順路去埋摩周湖. 摩周湖係日本第六大既破火山口湖, 冇其他河川注入, 湖水透明幾乎不含任何雜質, 宛如藍帶一般流著的獨特深青湖泊被稱做「摩周的藍寶石」,更是日本甚至全世界測得透明度最高既湖.
摩周湖共有3個展望台包括: 裏摩周、第一、第三展望台, 可以係唔同位置與角度俯瞰美麗的摩周湖. 摩周湖第三展望台係三個展望台中看到既景色最廣及最靚的一個, 所以吸引好多遊客駐足. 由神之子池出發的話, 去裏摩周湖展望台會較順路. 去裏摩周湖那段路都幾長, 你問我值唔值得去呢?! 若果第一次去既都可以, 唔係既話真係可以skip.唔係呢度唔靚, 而係上到去展望台望向湖, 眼前既樹好高, 影個湖既時候又會影到樹枝, 有d可惜.
估唔到上到山天氣好轉, 比起去裏摩周時更加好.上到去第三展望台我地好幸運清晰可見哂成個湖, 仲見到遙望摩周岳及カムイシュ島. 正如愛努語所稱既神之湖一般, 呈現莊嚴又神秘的樣貌. 據好多人講摩周湖時常被霧氣籠罩, 不輕易現身, 所以見到佢既真身, 有傳說話見到既人會無法成家立室、婚期會延遲5年. 若男女朋友一起看到放晴的摩周湖就會分手等不祥預兆呵. 呢d都係傳說, 邊會有咁易受影響呢!!
湖既右上方最高處就係摩周岳, 又稱為神の岳
摩周湖真係好藍好靚, 我寧願睇到個湖, 都唔信傳說啦!
神の子湖真係好靚呀!! 絕對係李斯德林色…冬天去過屈斜路湖, 有好多天鵝喺度, 又有雪地…風景好靚呢~ 不過超大風
讚讚
HAHA!! 李斯德林色, 呢個描述幾好. 冬天既屈斜路湖好靚, 有好多天鵝又有雪景
讚讚
道の駅~~ 唔知點解得對於唔同嘅道の駅都好有興趣…過摩周湖道の駅張相構圖好靚呀~~~喺屈斜路湖有冇見到天鵝? 我媽咪幾年前去呢處佢見到好多天鵝, 佢好開心~
讚讚
我見d日本大叔拎哂\"架餐\"影相, 應該都有d睇頭, 要影呢張相都要跨欄架. 我今次去屈斜路湖只係見到天鵝船仔, 真既就唔見啦!! 秋冬會比較多d.
讚讚
池水清到好離譜, 砂湯又幾特別睇嚟5月嘅北海道係好嘅旅遊時節, 啲景好靚吓, 又未係好凍
讚讚
池水入面d樹枝冇枯, 而且水冇雜質, 真係清到連底都見到. 5月嘅北海道真係好正, 唔駛話迫哂去7月花季都有花睇
讚讚