┊正✈丹瑞┊全球最快樂的國家–丹麥Denmark 哥本哈根, Nyhavn 新港, Tivoli 蒂沃利花園, Lebara Sim 上網

Published on 由Ishiha Y撰寫

去完冰島玩完, 順道去埋全球最快樂既國家 — 丹麥.    丹麥係全球178個國家中名列快樂國家既榜首.  呢個國家係一個近乎完美既國家, 呢度冇窮人, 老有所終, 壯有所用, 幼有所長, 人民快樂指數爆燈.

我地今次會係丹麥玩足一個星期, 要融入下最快樂既國家生活模式.  係丹麥住酒店, 地點好, 又要新既, 價錢一d都唔平.  所以我係丹麥係冇住酒店, 而係book左Airbnb.  入住左一間當地人既apartment.  

分享下我book Airbnb先, 之前去旅行都試過呢個模式, 但係今次係丹麥找Airbnb就有點難度.  見到有幾間好靚好型既Airbnb想book, 但係屋主一係就唔覆, 一係就say no.  特別係見到chinese, 我估佢地有少少hesitate.  最後我都找到一間, 原來屋主空出自己間屋, 走左去女朋友屋企住.  屋主女友與我地見面交屋匙, 而且仲好nice呢!! 叫我地有咩唔明就message佢.  呢間屋地點算唔錯, 行10分鐘左右到 Copenhagen Central Station.  我都係去到火車站時有免費Wifi就立即上網與屋主聯絡.

火車站對面係蒂沃利花園.  Tivoli係丹麥哥本哈根一個著名主題公園, 開放於1843年8月15日, 係世上現存第二古老既主題公園.

B&B附近既一間教堂, 又係好型格.

我地係屋內休息左一陣, 就出去Copenhagen市中心行下.  去到北歐都好, 我地都係要有internet先覺我安全.  我地經過好多小店都有得賣Internet Sim, 但我地初次到訪, 穩陣d都係去返火車站內便利店買就算.  之前都有睇過丹麥上網既資料, 知道Lebara卡唔錯, 佢係一張使用幾簡單既卡, 佢採用預付制度.  用戶可以免費獲得一張 SIM 卡及電話, 再購買增值券、傳送相應短訊就可以即時接通網絡, 手續比一般遊客用的 SIM Plan 更為簡化.

見到7-11就上前問職員. 職員叫我地一次過入KR 100.  KR49 係卡費, 另外可用KR49買2GB data plan.  跟住指示打5010 買data plan就可以啦!! sent完個sms confirm就搞掂. 可惜係我地用左兩三日就冇哂$$. 之後返到來睇返相關資料, 我估code setting時, 唔知點解入左一個月2GB data plan 既code係冇Activate到. 唔同SMS code係有唔同plan. 詳細可以睇返http://www.lebara.dk/datapakker

之後出發行去市中心, 先途經Tivoli正門, 好有氣氛呢!!
 透過大門望入去園內,  已經見到入面正準備緊Halloween.  不過Tivoli係9 Oct先開園.
 見到市政廳

呢度既人個個都係好輕鬆又悠閒, 面上永遠唔會見到唔開心既一面, 唔怪之得丹麥係全球最快樂的國家

呢條就係Stroget購物步行大街, 好熱鬧!! 街上面有名店, LV, Gucci, Hermes, H&M, Lego Shop.  食店都有唔少.

再行過Stroget購物步行大街, 可以去到Nyhavn呢!!  因為我地好悠閒咁亂行, 見到舊股票交易所, 估唔到呢間舊股票交易所真係幾靚, 個塔尖好似雪糕.
 再行前就到了Nyhavn新港,  平時睇天氣報告就係見到呢個地標啦!  五顏六色既屋係港口邊.

Nyhavn 有著 “The Longest Outdoor Bar in Scandinavia" 既美名, 餐廳酒吧佈滿整條街, 果然係名不虛傳.

 
 
 Copenhagen有好多單車租, 單車上有哂GPS IPad, 好方便.
 
┊正✈丹瑞┊丹麥 瑞典 行程

在〈┊正✈丹瑞┊全球最快樂的國家–丹麥Denmark 哥本哈根, Nyhavn 新港, Tivoli 蒂沃利花園, Lebara Sim 上網〉中有 6 則留言

發表留言

這個網站採用 Akismet 服務減少垃圾留言。進一步了解 Akismet 如何處理網站訪客的留言資料。