睇完河內紫藤, 再到今次行程另一重點: 就係去士多啤梨園食放題. 去得九州不得不提「甜王」吧. 甜王又紅又大且鮮甜味美, 係日本國內屬非常有名的品種. 而福岡就係「甜王」的產地, 培植「甜王」的就只有福岡縣. 今次就駕駛路線, 到了 らいおん果実園吃過痛快. 士多啤梨園門口右邊有免費泊車.
成人放題任食一個小時都係1600 yen. 唔參加放題只摘走都係100g 200 yen. 因為吉少唔太愛🍓, 所以佢只摘唔食. 比左錢之後, 職員便帶我地入去士多啤梨園. 入面都幾大, 不過佢只帶左我地去2號園.
らいおん果実園內有6大種士多啤梨種植. 我簡單介紹一下:
🍓甜王 あまおう – 福岡種植的獨特品種, 大粒飽滿既果肉以及高甜度乃其特色, 故取日語中「あかい(紅色)・まるい(圓潤)・おおきい(大顆)・うまい(甘甜)」的字首而命名為『あまおう (意譯為甜王)』.
🍓紅臉頰 紅ほっぺ – 靜岡的代表品種, 果實較大, 具有較強的香味與適度的酸味, 與甜王同樣大受歡迎.
🍓章姬 あきひめ – 靜岡原產的品種, 果實較大較長, 高甜度低酸味, 果肉較柔軟.
🍓栃乙女 とちおとめ – 「女峰」與「とよのか」的交配種, 果實較大且鮮紅, 甜味較強, 係日本產量第一的品種, 平時係超市都成日見呢個品種.
🍓 やよいひめ – 群馬品種, 較大的果實, 高甜味低酸味.
🍓 らいおんいちご – 自家品種, 沒有外銷.
我個人最鍾意甜王, 紅臉頰同埋栃乙女. 不過食食下都唔理自己食左邊隻啦!! 場內仲見到超大粒既🍓, 又甜又好味.
臨走前到了cashier埋單, 這籃士多啤梨大概1300 yen左右. 又食又摘真開心. 不過上到車, 吉少已急不及待開始自己食士多啤梨. 一路駕車冇望佢, 原來佢已經不知不覺食左半盒, 仲同我講好香好甜好味. 估唔到唔太鍾意食🍓既吉少都消左半盒, 大家就可以知道福岡產既🍓係幾好食!! 去九州玩唔好錯過呀!!
呢個らいおん果実園仲有個手做果醬及Pancake體驗工房
呢條Link介紹比大家, 有更加多士多啤梨園既資料
http://www.rurubu.com/season/winter/ichigo/list.aspx?ac=6
Ishiha Wanderlust 
我原本都想去摘士多啤梨架…轉左行程就冇時間喇…仲要連去岡山超巿都唔多, 又麻麻地靚喎…
讚讚
我都plan緊3月去岡山一帶玩, 而家諗緊可唔可以就埋睇櫻花.
讚讚
我都幾鍾意岡山呀~ 特別係倉敷可以預一日慢慢行呢~ 咁即係我地今年既行程剛剛調反轉喎, 上年我去岡山, 你去廣島, 今年我去廣島, 你去岡山…哈哈…
讚讚
因為我今年會早點去岡山, 唔會就到睇紫藤啦. 不過希望可以見到櫻花啦.
讚讚
3月又去旅行?? 其實我都會3月去日本…嘻嘻~
讚讚
籃士多啤梨大概1300 yen?! 超抵!
讚讚
你又去…日本….😱 好羨慕呀!! 今次你去日本邊處玩?
讚讚
1300yen唔算好平啦!! 入去狂食仲抵, 只要你食得落就得啦.
讚讚
唔可以食太多士多啤梨, 要留肚食其他野嫁!!!哈哈.
讚讚
去東京, 不過唔會留東京市區喇,打算去静岡, 山梨縣圍住富士山一圈玩…
讚讚
静岡,山梨縣圍住富士山玩都好夠玩啦!! 到時食多D好野同影多D靚相返來.
讚讚