要到鳴門觀賞漩渦, 可以有三個方法.
1⃣ 乘觀潮船近距離欣賞
2⃣ 上大鳴門橋的渦之道看高空俯瞰版
3⃣ 水底觀潮船
可是觀賞漩渦係唔等人, 想看鳴門漩渦, 必先看潮見表. 漩渦只出現於潮漲(滿潮)和潮退(干潮)既時候, 所以觀賞最佳既時候就係潮漲及潮退既前後90分鐘. 表上所列時間劃有紅圈係比較大機會觀賞到漩渦. 而我今次揀左搭觀潮船. 觀潮船有分三款: 小型觀潮船(うずしお汽船), 另有大型觀潮船和水底觀潮船(需預約)可選, 兩者都係同一船公司(うずしお観潮船). 最後我揀了坐小觀潮船. 點解我會揀小船呢? 係因為船班比較密, 價錢仲抵少少. 大船時間表可以睇返うずしお観潮船
我地剛好趕上最尾一班小型觀潮船, 開船時間係16:30, 費用每位￥1550. 而且張飛仲可以作為紀念既postcard呢!
上船後, 人人都企係船尾, 方便觀賞漩渦. 期間船員會講解, 但我地完全聽唔明. 當船駛進漩渦區 (即鳴門大橋下), 全船既人進入Hyper狀態, 大家都向著漩渦影相, 各種相機手機不停拍. 唔知點解我地係現場睇係好好多, 影相出來唔係好睇到漩渦. 間有一兩張比較好, 而且那裡海水顏色好唔一樣, 比較淺綠, 不過我覺得好靚. 加上船會停低或慢駛, 大家都可以慢慢欣賞呢個大自然奧妙. 整個船程大約30分鐘,
以下都係一d我影得比較好既鳴門漩渦相, 相比起頭兩張, 沒有那麼震撼. 其實我拍了條短片, 片中更加看到漩渦, 比影相更好.
👋 想睇返今次【西日本淡路山陽8日遊】行程規劃 👈
Ishiha Wanderlust 
真係幾得意喎…唔知水底觀潮會點架呢?
讚讚
聽聞水底係冇野睇, 所以水底觀潮船既人係行返哂上去睇水面情況.
讚讚
會唔會因為坐船同佢係平視?唔知橋上睇會唔會橋上睇好d呢~~~好緊張呀~唔知今年我有無機會去到~
讚讚
橋上面可以睇，不過見人話d玻璃窗打哂格仔，想睇出d又有野檔住。 加埋淡路都幾好玩架！而家d機票又平，簡直逼大家冇假都想飛。
讚讚
即係都係上船仔睇最好~係啦我成日見到香港d機票好平好唔抵得~~~不過我依家老左就想係澳門飛多d…始終搭多程船真係幾攰~
讚讚
有時我見澳門/香港飛都有平呵. 如果要搭多程船, 我都會好似係咁揀. BTW,你咁YOUNG邊樹老??!! HAHA
讚讚
但澳門無直航去高松機場~只可以飛到關西空港再轉車去~就係呢個位仲kick住左~~我是一名老少女~
讚讚
我都係關西空港出入. 你地可以自駕呵, 由關西空港駕車去好近.
讚讚
我同你一樣，揀左坐船睇✌
讚讚
係咪近距離睇正好多呢?
讚讚