呢排係度忙緊編排9月份既旅行, 都冇咩時間可以寫下blog! 加上天氣熱到一個點, 放完工返屋企都唔想做, 所以遲遲都冇blog post出呢!! 不過我又真係潛水潛左好耐, 睇返fb, 原來有成2個月呢?! 都係時候寫返篇先, 如果唔係有人以為我失蹤 😶 呢段時間其實我都仲好活躍去唔同地方食野, 而我又真係冇咩心機寫食評. 好啦!! 講返西日本瀨戶內海遊之旅完, 玩完淡路島, 我就去左岡山市玩. 第一個地方我好鍾意就係呢個岡山後樂園.
岡山後樂園興建於約300年前, 係日本具代表性既諸侯庭園, 與金澤市的兼六園、水戶市的偕樂園並稱為日本三大名園. 總面積約13公頃既後樂園, 有能樂舞台、池塘、山、梅林、茶田等, 係日本庭園中罕見, 而且有寬闊草坪樣式既庭院. 一入到去後樂園真係覺得好靚, 好適合慢慢走慢慢逛, 當然唔少得拍照啦!! 特別推薦大家登上唯心山一覽整個園區景色, 行完之後, 又再2孑1整個日本庭園, 欣賞周邊迴遊式庭園多變既景色. 當日我地遇上日本人係呢度影婚紗照, 原來唔少日本新人都會揀係後樂園拍攝婚紗照.
岡山後樂園係利用虹吸現象原理, 係旭川的5公里上游處引水入園, 引進來既河水用於曲水、池塘、瀑布，建造各種水景, 令園中處處有活水又用園路. 水路更將寬闊的草地、水池、假山、茶室連成一體, 成為一個廣闊既林泉回遊式庭園.
位於正門旁的「延養亭」除了能將園內的美景盡收眼底之外, 而園外既岡山城及周邊山群為背景, 影相出來更靚. 除此之外, 後樂園內種植左百餘棵既梅花樹, 剛好我地去既時候, 正係春季, 仲有櫻花、杜鵑花、菖蒲花、蓮花等. 而秋季更有迷人的紅葉呢!! 園內除設有餐廳「四季彩」, 提供採用岡山當地新鮮食材的日本料理, 另有茶屋可體驗品嘗抹茶.
到訪岡山後樂園交通:
JR 岡山站：徒步 25 分鐘
從 JR 岡山站搭乘市內公車: 12 分鐘 前往巴士車站第 1 乘車處, 搭乘前往「藤原團地」的公車. 後樂園就在「後樂園前」公車站的旁邊
Ishiha Wanderlust 
等你出POST好耐啦.岡山後樂園好有詩意, 一直想去,一直都未有緣份嘩, 最後張相好好好得呀!!!9月份去邊呀?
讚讚
原來真係有人等我出post 😭. 9月我會去摩洛哥玩，呢個地方都係我好想去架. 後好園真係好好行又靚，我個人覺得靚過兼六園
讚讚
堅等嫁，同埋我好鐘意你影D相，好有feel，好有意景。我點影都影唔到。
讚讚
摩洛哥？真係要等睇你Post 喇。好好奇呢個地方係點。
讚讚
你堅等我就寫返快少少, 我連上年去英國都未寫呢!! 跟住一個接一個trip!! 我都好期待去摩洛哥, 今個假期唔多, 所以就到可以只去摩洛哥囉. 如果唔係我都好想加幾日玩下歐洲. 你太過獎啦!! 我有時都係撞手神影到下一兩張有意景既相.
讚讚
嘩，可以去咁多旅行，好羨慕。你日本個trip 仲有幾多未寫？
讚讚
應該仲有一半
讚讚
我都等到頸都長呀! (雖然我都冇動力寫…) yes yes… agree容公子, 你影既相好有feel呀! tone D色都好有你自己style呢~可能季節唔同, 我反而覺得兼六園靚D啊!(果陣有少少紅葉) 不過我去左後樂園連接岡山城果條橋既河邊cafe食野, 望住岡山城個view都幾正呢~摩洛哥好吸引呀!會自駕遊嗎? 成日覺得自己去好似有D危險…你都萬事小心呀! 等你既遊記呢~
讚讚
多謝你呀!! 我都見你靜左一排呵!! 兼六園有紅葉係好靚既, 因為可以影到哂紅葉既倒影於水上面. 我都有經過你講既河邊CAFE, 個VIEW的確唔錯. 之後我要趕去倉敷, 所以就走左啦!! 今次去摩洛哥我唔會自駕遊LU, 搭下火車巴士都OK既, 之前我都怕危險, 不過睇完好多人REVIEW其實係好OK, 所以今次膽粗粗自遊行囉.
讚讚
佢唔係靜左一排, 佢係靜左大半年呀.
讚讚