作者: Ishiha Y

CIAO Florence 佛羅倫斯推薦景點及遊玩路線規劃二 – Uffizi Gallery, Piazza Santa Maria Novella, 學院美術館, 老橋

Published on 由Ishiha Y撰寫4 則迴響
路線規劃二:  Uffizi Gallery 烏菲茲美術館 → Piazza Santa Maria Novella 新聖母大殿廣場 → Farmaceutica di Santa Maria Novella SMN百年修道士藥妝店  >> 詳細介紹.→  牛肚包車仔檔 >> 詳細介紹 → Galleria dell’Accademia 學院美術館 → Ponte Vecchio 老橋  → IO Personale (Dinner) >> 詳細介紹 

今天一早來到 Uffizi Gallery 烏菲茲美術館, 之前上網做功課既時知道冇預訂門票有可能要排成個鐘先內丁去.  所以我係出發前兩星期左右已經預訂了Uffizi Gallery 08:30 門票.  預訂Uffizi Ticket可到呢個link購買.  我去每張連手續費係 €15 (2014年尾).  最新我check過門票 €12 + Reservation Fee  €5.99. 預訂門票時可租埋Audio Guide.  不過我同小吉子決定入到去先租.   早d去可以輕鬆慢慢行, 唔駛怕太多人.  如果大家預訂左Uffizi Gallery 門票, 要早15分鐘到達取票, 去到往右手邊寫住 “Collecting Individual tickets"排隊入內.  冇預訂者就往左手邊排隊.  我自己都估唔到0830咁早, 冇訂票條人龍已經咁長, 龍尾係睇唔到.

Keep on reading!

CIAO Florence 佛羅倫斯推薦景點及遊玩路線規劃一 – 中央市場, 百花大教堂, 米開朗基羅廣場

Published on 由Ishiha Y撰寫2 則迴響
佛羅倫斯美食已經寫完, 再來就寫下行程.  9月到佛羅倫斯, 天氣好好, 而且唔凍唔熱, 好舒服.  我地停留左4日3夜係佛羅倫斯.

路線規劃一: 中央市場 (午餐：Nerbone 吃牛肚包) →皮革市場 → 百花大教堂 → 鐘樓 → 領主廣場→ Gelateria dei Neri →米開朗基羅廣場看日落 → Zà Zà T-Bone (晚餐) >> 詳細介紹

Keep on reading!

CIAO Florence 佛羅倫斯美食: Zà Zà T-Bone, IO Osteria Personale

Published on 由Ishiha Y撰寫4 則迴響

到佛羅倫斯其中一樣我想吃的是1kg Florentine T-bone牛扒, 其實之前係Tuscany都好想食, 不過實在太多美食, 所以一直未試過1kg Florentine T-bone會係點.   Trattoria ZàZà & Da il Latini係本地算係幾出名既牛扒店.  因為就地點方便關係, 我就去左試Zà Zà.

Keep on reading!

CIAO Florence 佛羅倫斯美食: Gelato

Published on 由Ishiha Y撰寫4 則迴響
去到意大利, 唔食Gelato真係有少少對唔住自己.  尤其係Gelato多到係"總有一間係左梗", 而且口味之多, 真係少d定力都唔掂!!  其實之前每到一個地方, 總會試下Gelato.  出名既Grom, Gelateria di Piazza, Suso Gelatoteca,Giolitti都有試過, 唔出名又食.  有時食左都唔記得影相.   去到佛羅倫斯, 又點會少得Gelato呢!! 我仲想試下其他口味既雪糕.  因為我覺得呢度多選擇之外,大部份知名既雪糕店都會係度找到.   之前係Yelp! 睇左local review就諗住試下以下介紹呢幾間Gelato店!!  雖然我唔知呢幾間算唔算好出名, 不過試左又覺得好正喎!

Keep on reading!

CIAO Florence 佛羅倫斯美食: 牛肚包

Published on 由Ishiha Y撰寫2 則迴響
來到佛羅倫斯, 少不免要玩返幾天先夠.  今次會係佛羅倫斯停留4日3夜.  之前去佛羅倫斯既感覺係有靚景,文化氣息濃厚, 好少留意更多.  不過今次再去, 就想再了解多少少啦!! 胃食既我, 當然唔會少得美食.  佛羅倫斯美食真係好多, 出名既都唔少.  今次就介紹我自己喜歡既美食先啦!!

Keep on reading!

CIAO Florence Santa Maria Novella (SMN) 百年修道士藥妝店

Published on 由Ishiha Y撰寫發表留言
 
號稱是全世界最古老的香水製藥廠 " Santa Maria Novella" .  從1221年開始由西班牙修會的多明尼克教派神父帶領修道士, 於佛羅倫斯聖塔瑪利亞諾維拉大教堂院子裡種植物來製造藥草跟藥膏, 後來係1612年被公爵授權為香水製藥廠.   後來藥廠幫佛羅倫斯梅地奇家族要嫁給法國亨利二世的女兒凱薩琳,  做了一款香水當嫁妝.  取名為 Santa Maria Novella 香水, 之後在法國火紅! 更被稱為 – 皇后之水.  那個黑色的LOGO就是當時授權的徽章啦!!
 

Keep on reading!

CIAO Tuscany自駕遊: Montepulciano Thursday Market 暮光之城

Published on 由Ishiha Y撰寫4 則迴響

位處義大利中部托斯卡納既Montepulciano, 一般Travel book好少提, 不過呢個山城真係超紅, 一提Twilight New Moon就會好多人識.  來到Montepulciano, 剛好當日有farmer market, 所以又去襯下熱鬧.  Farmer market每逄星期四就有, 係巴士站附近.  入面有好多野買, 家電, 衫褲鞋襪, cheese, 肉類, 新鮮海產, salamis, prosciuttos都有.

Keep on reading!

CIAO Tuscany自駕遊: Cheesy heaven! Ristorante 13 Gobbi Montefollonico

Published on 由Ishiha Y撰寫2 則迴響
第一晚去到Follonico住宿, 安頓好後, 屋主Suzanne熱心地問我地有冇諗住去邊度食晚餐.  其實我去之前都有睇過最近既Montefollonico有什麼好吃.  既然佢有推介, 當然我都想去試下啦!! Suzanne仲好有心叫我呢兩日可以用佢部GPS, 已經Set好哂附近景點同埋餐廳資料呢!!  咁當然好啦!! 唔駛再入過資料嗎!!

Keep on reading!

CIAO Tuscany自駕遊: Farm House Stay @ Follonico 4-Suite B&B

Published on 由Ishiha Y撰寫4 則迴響
我地會係Follonico 4-Suite B&B住兩晚, 呢間B&B係一間Farm House, 有成200年歷史, 位於 Montepulciano and Montefollonico之間.   屋主Suzanne & Fabio放左3年時間去整修成間屋,   由原先一間破舊既farm house可以變身到咁靚.   佢地兩位真係好有passion!! 修葺後既 Follonico有6間房, 其中4間係Suites.  今次我就book左Blu Notte Suite住左兩晚.

Keep on reading!

CIAO Tuscany自駕遊: Siena 西恩納 Duomo, Piazza del Campo

Published on 由Ishiha Y撰寫6 則迴響
去完Space shopping之後, 便開車到Siena.  提到意大利山城小鎮代表, Siena一定會有份.   這座位於托斯卡尼地區的山城被認為是意大利最完美的中世紀小鎮, 與同區的佛羅倫斯及比薩是14世紀文藝復興的發源地.
 
泊好車後, 走上幾層電梯便到了舊城.  我地先到了西恩納主教堂 (Duomo di Siena).  這座黑白相間的主教堂建於12世紀, 完工於14世紀末, 是中古時代最大教堂之一.  繞過教堂右方, 便是售票處.  如果有時間, 不妨買Opa Si Pass  € 12,00 可以去哂Cathedral + Piccolomini’s Library + 塔頂.   另外仲有Gates of Heaven Tour(大約1.5小時)可以參加, Opa Si Pass + Gates of Heaven都係€ 20,00.  詳情可以睇: http://www.operaduomo.siena.it/eng/orari.htm

Keep on reading!

CIAO Tuscany自駕遊:Castellina in Chianti 酒莊住宿 Querceto Di Castellina, 血拼Space Prada Outlet

Published on 由Ishiha Y撰寫4 則迴響
去完San Gimignano後, 便駕車往今晚既住宿.  一路開車, 一路見到沿路既山城真係超靚!!而且種植左好多葡萄樹.
 
揚名國際的” Chianti Classico”酒就係產自托斯卡尼地區, 且只有由Firenze到Siena的中心地區出產的, 以 80%以上Sangiovese葡萄釀的酒才能叫做” Chianti Classico”.  Chianti Classico係Chianti地區是最經典也是品質最佳的葡萄酒.   而黑公雞係Chianti酒的註冊商標.    去托斯卡尼感受意大利, 記住一定要去體驗下品酒！沿路都見到有好多酒莊,可以免費入去試酒架!!
 

Keep on reading!

CIAO Tuscany自駕遊: San Gimignano 聖吉米尼亞諾

Published on 由Ishiha Y撰寫9 則迴響
開始Tuscany自駕之旅啦!! 由Firenze駕車到San Gimignano,  需時一個小時. San Gimignano係意大利中部地區內算係一個人氣好旺既城鎮, 城內保留了中世紀的建築之外, San Gimignano更有高塔之城既稱號.  San Gimignano城牆內全部都是ZTL zone!! 所以要停係城牆外既停車場.  San Gimignano萏城區外有4個停車場, 而2號停車場係最近城門口.  其他幾個停車場都係行10分鐘左右便可到城門.

Keep on reading!

CIAO Tuscany自駕遊: 租車篇 ZTL佛羅倫斯

Published on 由Ishiha Y撰寫發表留言
今日要離開Bologna, 我地訂左10:35火車到Firenze.  由於我好早訂火車飛, 所以都係Eur $30兩張, 抵!!  車程都係半個小時多.

今次訂車係Auto Europe內訂到Avis既車.  我一共租左3日車, Audi A1 automatic car 連 Basic rental package價錢都係GBP$126, 唔算貴!! 原本都有打算由Firenze玩完Tuscany再落去Rome還車, 但最終都係Firenze還車算了!! 一來火車飛買到Early bird真係好平, 去d大城市坐火車仲快過駕車, 都唔想搞到自己太倦駕幾個鐘頭車仲要去玩啦!!

我地準時11:10到達了Firenze S. M. Novella火車站, 由火車站去找Avis租車公司都要行10多分鐘, 而大部份租車公司都係同一條街Via Borgo Ognissanti 128上.  所以唔算難搵.

Keep on reading!

CIAO Bologna Eataly & Ristorante da NELLO al Montegrappa

Published on 由Ishiha Y撰寫發表留言
之前都有講過Bologna係美食之都, 而且係意大利肉醬意粉發源地.  今日下午時份到了Eatay 開餐.   食物唔錯之外, 而且仲係一間又食又賣既supermarket呢!!!  雖然Eatay係一間連鎖店, 但就集超市, Cafe, Restaurant 及書店於一身既店.  係New York都有分店, 仲做到有聲有色.   Eatay內層層有唔同模式餐廳, 地下有Cafe, Pizza, 二樓就係新派家常意大利菜加supermarket, 全部產品都以organic為主!  我自己逛Eatay時, 見到既每一個產品都會例出食物來源同埋邊間公司, 更有公平貿易既食物出售, 係一間幾有Heart既公司.  因為我自己就掛住行, 都冇影過相呢!! 如果大家有機會去, 都可以留意下Eataly bologna!!

(source: Eataly bologna)

Keep on reading!

CIAO Bologna 博洛尼亞

Published on 由Ishiha Y撰寫發表留言
波隆那被列為義大利生活質量最高的城市之一.  除了有美食之都的稱譽, 更有拱廊之城稱號. 整個城都好古色古香 ,  好多建築物都係紅色的.  經過呢座波得斯塔宮後面便是市政廳及聖佩托尼奧教堂
 

Keep on reading!

CIAO Bologna La Casetta dell’ Artista

Published on 由Ishiha Y撰寫2 則迴響

今日由Venice坐火車到Bologne, 我地會係度留一晚.  之前找住宿見到呢間 B&B, review唔錯,地點又係正市中心.  離火車站都係20分鐘路程.  我地用Google map好快就找到了位置.  不過去到既時候, 真係唔知要行四層樓梯咁多, 好彩係意大利之行第二站, 行李相對少好多.  入到屋, 真係覺得冇揀錯, 好舒服呢!!

Keep on reading!

CIAO威尼斯Cafe Florian

Published on 由Ishiha Y撰寫發表留言
 
前日已經好想去Cafe Florian, 但係太多人.  連走廊位置都坐滿.  所以今日去完離島, 我同吉少諗住去嘆返個下午茶.  Cafe Florian於1720開業, 到而家已經有295年既歷史.  佢仲入選意大利TOP 15百年老Cafe既其中一間.   有興趣想知其他咁多間, 可以參閱呢條LINK 
 

Keep on reading!

CIAO威尼斯外島漫遊Burano彩色島

Published on 由Ishiha Y撰寫2 則迴響
從Murano到Burano可坐LN水上巴士, 航程約50分鐘.  記得要去Murano Faro上船呵!!
快到Burano已經被彩色屋仔吸引住呢!! 連油站都係咁colorful


落船後便去找吃午餐既地方.  之前找資料時知道有一間好出名吃墨魚汁意粉好好味既Ristorante Pizzeria Principe餐廳就係Burano.  因正直午餐時份, 餐廳也實在多人.  我地好好彩等左一陣有位啦!!

Keep on reading!