分類: Journal 生活日誌

Special 1st PaPer Anniversary

Published on 由Ishiha Y撰寫發表留言
回想去年既今日，當日真的忙透了。不過我同小吉子都心情極佳，仲要笑到見牙唔見眼。　雖然下大雨，但好彩全部避過。　今年就沒有咁好彩啦，有凡亞比陪我倒數結婚一週年，諗返起當日結婚咁順利，真的要多謝上天對我們的眷顧。
一心諗住今日攞假慶祝，但因要 出席一個全日conference，唔放得假。　加上落大雨，我同小吉子都冇哂ｍｏｏｄ出去食飯慶祝。咁夾６２９９又想今日食晚飯做節，小吉子同我都決定 陪家人，一起渡過及慶祝我地一週年紀念。臨去食飯，小吉子同我講0921當晚忙到連自己既wedding cake都冇食過，所以今晚一定要食返個補數。佢仲order最好要買返個同wedding cake一樣既食。　啩，你真識食呢!! 那個wedding cake起碼有10磅，我又沒有pre-order，點算!!　其實小吉子唔講，我自己都打算買個cake來慶祝，始終我地兩個都冇試過當晚個wedding cake，感到有ｄ可惜!!
今晚做節食飯有１０多人，大家飲飲下紅酒，情緒high哂，小吉子同佢屋企人即刻上身，演返上年擺酒既 情況，同人握手又敬酒，其中幾位屋企人起身又玩埋送客。大家玩又笑，好開心呢!!　食完飯，仲有美點雙輝呢!!　可能屋企人知道小吉子同我當日沒有機會吃 cake，於是小吉子完全投入當晚角色，同我一起即席切cake又影相，當自己重演返當日切餅儀式後食返個cake既一幕，彌補返我同小吉子既弱小心靈。
回想返這一年，我同小吉子生活得好開心!! 可能大家亙相體諒及包容，相處非常融洽。而且他更包容我成日走左去同朋友旅行，留返佢自己一個係屋企都沒有太大問題。　不過有件事最慘既係：連我變左圓 c9，小吉子都包容埋（佢成日都講唔算好圓好肥姐，接受唔到我需要減肥呢件事），小吉子既包容程度真係大到冇人有呢!?

Planning our 1st Wedding Anniversary Trip

Published on 由Ishiha Y撰寫發表留言
未寫完立山黑部之旅，我已經計劃10月份的旅行。超級期待ing……..
結婚都有９個月，去旅行也有好幾次，但次次都係我同朋友去，小吉子留在家。唔係我唔想同小吉子一起去玩過夠，其實係佢 工作關係，唔可以成日陪我去旅行，最近一次係三月份預定同小吉子去看櫻花，無奈小吉子因工作忙而取消假期，都好失望！　所以今次我同小吉子一早計劃好10 月拎大假，去一個中長線旅行，順道慶祝結婚一週年。呢排我同小吉子一有時間就諗下大家想去邊玩（大家勁發夢），不過實在有點頭痛，有ｄ地方10月份天氣開 始轉變，可能未必可以去。　唔知大家有冇經驗可以一起分享？
暫時proposed既地方有４個:

1) Greece

Honeymoon時已經好想去，但最後都冇揀，本想係一週年去。 因10月開始進入風季，船或飛機可能會停駛，唔知10月頭狀況如何?

Semi Annual Anniversary 澳門遊

Published on 由Ishiha Y撰寫發表留言
自320開始放假，我同小吉子已馬不停蹄的吃喝玩樂，為慶祝我們兩人生日及半週年結婚紀念。
第一個PRE－CELEBRATION節目就係去睇EASON 演唱會。唔知係咪1st show關係，eason都勁多蝦碌。　而我都勁蝦碌，竟然帶左自己最短既鏡頭去影相!!

唉~~影出來咪超細粒囉!!

到了321，我們下午先出發到馬交!! 到了酒店取房後，立即出去食（因為一早去了拜公公）到了下午４時多我還沒有吃過任何東西呢!! 肚餓如此，去到氹仔手信街既時候，我同小吉子都比警察查身份証有冇攪錯！！我咁大個女都未試過比人查身份証，點解係馬交要比警察查先？？　我當時仲要手軟腳仔軟，血糖偏低，就快餓到暈之下比人查牌？？

當時我個樣黑到爆，我仲同小吉子大聲講（係警察面前）：有冇攪錯呀？我地兩個一睇就知唔係偷渡啦!! 咁都要查~~
小吉子禁住我，叫我唔好再講啦!! 快D查完去食０野算吧!!　 呢家諗起都依然十萬個激氣，點解３２１會有咁既餘慶節目？

跟住即去了咖哩全食全餐及淨麵，那裡既咖喱好好味，牛腩又好淋，平時兩個人去食冇可能會食得哂!! 不過今次我同小吉子兩個真係餓到暈就食得哂. 

My Wedding Vendors & Comments

Published on 由Ishiha Y撰寫發表留言
係09年最後一日我要寫埋婚禮vendor list, 那就可以完成哂我的婚禮sharing!!
最終都要寫左幾日先可以起貨, 都係我呢排不停的玩呀玩呀之故!!
我要講: 這裡寫的comment, 完完全全係我反映個人意見!! 
並沒有意思去幫人賣廣告
如果大家想知多d, 可以問我.
 

序

Published on 由Ishiha Y撰寫發表留言
點解我會用鴛鴦譜呢個名呢. 
男友姓袁(yuen), 我姓楊(yeung)既關係, 所以我改了這個名

而我們兩人也計劃結婚

於是我便開始為我個blog寫下我的結婚日誌
籌備一個自己的婚禮, 是需要用好多心機&時間
當中一定會經歷好多喜怒哀樂
家人及朋友的支持是很重要的
而我也希望將我感受到的寫下來
待自己婚禮完成後, 再看
我想定必會有另一番的體會