九州福岡係士多啤梨產地之一, 種類多而且好甜. 我自己本身超愛吃士多啤梨, 上次去完九州吃過一次士多啤梨園放題之後, 真係念念不忘. 有興趣可以睇返呢篇🎌九州紫藤花瀑自駕遊 🍓 士多啤梨 らいおん果実園
【西日本山陽九州8日遊】九州筑紫野士多啤梨園吃個飽 🍓 舞鶴公園🌸
標籤: 山陰山陽
【西日本淡路山陽九州8日遊】九州 ひょうたん 葫蘆壽司
發現呢間ひょうたん 葫蘆壽司店. 價錢平不在話下, 而且壽司超新鮮. 我地兩個每人點了本日之特選, 由壽司師傅揀出本日最新鮮既魚做壽司. 我地坐既位置正正就係bar枱, 師傅見住我地食既速度將壽司整好放係塊大葉上面. 有時太好食, 都唔記得影相. 呢個set仲會包埋碗三文魚味噌湯. 而且我仲點了多一客海膽壽司, 超滿足的一餐.
【西日本淡路山陽8日遊】廣島蠔小屋 宮島
廣島蠔季約為每年10月底開始至翌年4-5月左右（6至9月為休漁期）, 來到廣島玩又點可以錯過又大又肥美的廣島蠔呢? 雖然剛剛食完個好靚既京懷石料理早餐 (詳情睇返 👉 Link)
今次食呢間蠔小屋, 係一間專門養蠔 (牡蠣) 賣蠔的, 而且擁有超過三百年歷史既老字號. 老闆特意係自家碼頭工場旁開設かき小屋售賣各款廣島蠔料理, 其中最有名既就係燒蠔放題啦! 去到既時間未到12:00, 所以人唔多. 一入店, 老闆會問你要邊款餐, 係先付款後用餐. 大家胃容量大的話, 不妨點燒蠔放題. 限時一小時都係2300円. 好似我地咁剛吃完早餐, 又想食蠔, 就每人要了一份1kg燒蠔, 1100円大約有十隻. 比完錢後, 老闆會給你一套燒蠔用具以及一張燒蠔講解書.
【西日本淡路山陽8日遊】私人露天溫泉住宿 廣島 旅籠 櫻 Hatago Sakura
去完倉敷後, 我地坐JR返回岡山取行李, 臨上車前買了eclair上車食, 去下一站廣島廿日市宫浜溫泉. 之前上網check過廣島附近既溫泉, 發現宫浜溫泉呢個地方, 溫泉水質屬單純弱放射能温泉. 呢個溫泉鄉好安靜, 市內既溫泉酒店唔多, 可眺望到濑户内海既美景, 更可望到官島既絕美景色. 而溫泉鄉前面係大野濑户内海牡蠣養殖場, 所以呢帶食材豐富, 諗起都開心.
「旅籠 櫻」係市內其中一間家庭式料理旅館. 雖說係家庭式經營, 但絕對地出色. 有免費停車位置, 好似我今次冇揸車去都唔緊要, 旅館細心地提供JR接送服務, 超細心體貼. 所有客房都能眺望宮島景致, 因此優美的景觀也是旅籠 櫻既魅力之一. 全間旅館只有4間客房, 每間房都設有露天浴池, 所以我一來到就可以悠閒舒適地享受溫泉. 每間房間都係塌塌米和室, 而我今次住呢間係全旅館最大最貴既一間房. 房內仲有沙發可以好好休息, minibar內既飲品仲係免費, 歎完個溫泉飲返杯真係好舒服. 整間旅館環境好靚, 內有一個日式庭園, 有流水同埋魚池. 我仲讚主人既日式庭園靚呢!! 佢表示好開心, 仲透露呢個日式庭園係由朋友同屋主自己精心設計及一手一腳建成. 旅籠 櫻有私人露天浴池之外, 旅館仲有派發另一間酒店宮浜 べにまんさくの湯既溫泉湯券, 不過我地冇要到. 最主要係呢間旅館有個咁靚既私人露天溫泉, 我寧願安安靜靜係度休息, 都唔需要再去另一個啦!!
【西日本淡路山陽8日遊】倉敷美觀散步 三宅商店
一直都好想來倉敷, 原因好簡單, 最愛佢保留了日本傳統風貌既美觀地區. 呢個美觀地區集風景、美食、運河、渡船、巷子、懷舊小商店於一體, 我覺得可以行一日都唔會悶既地方. 從岡山坐山陽新幹線(約10分鐘)就到了倉敷站, 沿路牌行10多分鐘就會見到美觀地區運河. 倉敷係舊時米糧集運港, 而倉敷美觀地區係古運河形成既水道 兩岸全部都係百年建築及倉庫, 就連街燈都係古色古香. 兩邊河道種植左好多櫻花楊柳樹. 今次去既時候正遇上櫻花遲開, 所以欣賞唔到燦爛既櫻花. 水街長600公尺, 除左散步之外, 仲可以搭船或人力車. 想搭船係要先到觀光詢問處預約, 等船班時間到再過去搭乘.
【西日本瀨戶內海遊】岡山後樂園
呢排係度忙緊編排9月份既旅行, 都冇咩時間可以寫下blog! 加上天氣熱到一個點, 放完工返屋企都唔想做, 所以遲遲都冇blog post出呢!! 不過我又真係潛水潛左好耐, 睇返fb, 原來有成2個月呢?! 都係時候寫返篇先, 如果唔係有人以為我失蹤 😶 呢段時間其實我都仲好活躍去唔同地方食野, 而我又真係冇咩心機寫食評. 好啦!! 講返西日本瀨戶內海遊之旅完, 玩完淡路島, 我就去左岡山市玩. 第一個地方我好鍾意就係呢個岡山後樂園.
【西日本淡路山陽8日遊】行程規劃
好多人對於日本中國地區(山陰山陽)很陌生, 自從舊年去完一次山陰山陽後, 我便愛上了. 最鍾意那邊有著濃厚既偏鄉味道, 可以真正認識不一樣面貌既日本! 上星期剛好去了西日本玩了8天, 剛好遇上油菜花季以及河津櫻, 超幸運呢!! 所以返來要急不及待要分享下今次8天行程. 而上一年8天山陰山陽行程, 可以睇返呢篇👉blog . 入面都有介紹四月尾五月頭開花既河內紫藤.
🎏九州關西紫藤花瀑🎌JR西日本山陰山陽 打亂陣腳之鐵道行🚅廣島宮島嚴島神社 牡蠣屋
💑今日寫Blog見有呢個Emoji植入, 即刻好奇試下先. 近排偷懶冇開到post呢!! 今日要離開大阪. 食完個早餐後就同朋友分手, 我同吉少繼續餘下旅程. 前一日訂好了新幹線到宮島口駅. 今次特別去宮島, 都係為左拜訪慕名已久既嚴島神社. 佢係一個建於水上既鳥居神社. 宮島口駅有好多Locker, 方便行李存放. 我地擺放行李後就出發啦!
🎏九州關西紫藤花瀑🎌JR西日本山陰山陽 打亂陣腳之鐵道行🚅 境港 鬼太郎
之前都有諗過去鳥取好呀? 定係去境港好?! 一個有柯南, 一個有鬼太郎. 問左吉少都係鍾意鬼太郎多d, 所以就去境港. 離開左皆生溫泉, 就坐巴士到境港. 每日只有限定一班直達巴士, 價錢係每人720 
(Source: https://www.kaike-onsen.com/bus.html)🎏九州關西紫藤花瀑🎌JR西日本山陰山陽 打亂陣腳之鐵道行🚅 米子 皆生溫泉 湯の宿松月
終於可以開山陰山陽米子岡山Blog寫啦!! 今次呢個trip係之前既Blog有講過因九州地震, 所以行程計劃全部要轉哂. 其實我對米子岡山都較為陌生, 一來我未去過啦!! 二來好少人踏足米子鳥取那邊玩, 所以一知道要轉Plan, 我就不停找相關資料.
之前去九州既plan係有兩晚去浸溫泉, 改行程時都有考慮呢個因素, 所以係米子附近睇下有冇溫泉. 本想去湯原溫泉鄉住一晚, 因為岡山既溫泉屬弱鹼性碳酸泉, 有美人湯之稱, 聽聞可以令肌膚幼滑, 特別適合女士們. 不過坐火車去湯原溫泉唔算太方便. 唯有就行程揀左去米子皆生溫泉住一晚.
🎏九州關西紫藤花瀑🎌JR西日本山陰山陽 打亂陣腳之鐵道行🚅日本旅行好用APP介紹
今年4月14日及16日九州熊本縣發生6.4級及7.3級超級地震, 地震後造成多人死亡上千人受傷. 本來上年12月已買好機票, 一心諗住今年要去河內紫藤公園賞紫藤花, 卻就今次咁嚴重既地震, 係出發前一星期改哂所有去黑川, 湯布院, 別府, 阿蘇既行程. 那個星期聽到九州餘震不斷, 係咁不穩定既情況下, 我不得不改往其他地方. 由原本自駕突然改為鐵道行. 而且更踏足未去過既日本中國地方 – 山陰山陽. 雖然今次去唔到九州作深度遊, 不過都玩得好開心.
講返今次打亂陣腳之鐵道行先,出發一星期前我係JR西日本網上不停做research, 諗緊買5日pass還是7日pass. 以下係兩張唔同pass既比較
Ishiha Wanderlust 