來到正✈丹瑞之旅既最後一篇Blog啦!! Amalienborg 阿馬林堡宮呢度一早就擠滿了遊客準備欣賞12:00既衛兵交接, 咁巧合我地都係經過呢度, 所以停低睇左一陣. Amalienborg Slot阿馬林堡宮係丹麥王室既冬宮, 包括了四座獨立古典宮殿, 有洛可可式內部及八邊形庭院廣場Amalienborg Slotsplads. 由最著名建築師Nicolai Eigtved設計, 廣場中間係腓特列五世的騎馬雕像. 阿馬林堡最初為四位貴族而建, 王室則係1794年2月26日克里斯蒂安堡（Christiansborg Slot）被燒毀後, 才決定移駕至阿馬林堡宮.
玩玩下丹麥, 又走左去玩瑞典. 因為 Malmö 馬爾默係瑞典既南邊, 由丹麥Copenhagen機場過去, 只係隔住一條橋, 就好似車行青馬大橋去大嶼山咁, 完全唔駛過海關, 超級方便. 所以好多人去哥本哈根玩會順便玩埋Malmö 馬爾默. 一定近過係瑞典機場-斯德哥爾摩那邊去.
Keep on reading!
講左咁多日丹麥遊記, 都係時候講下飲飲食食先. 丹麥食野算唔算貴? 我覺得同香港差唔多. 去旅行都係隨心, 咪貴有貴食, 平有平食囉.
之前我都有提到我今次去丹麥係住B&B, 而我係揀左係Vesterbro住. 以前Vesterbro係肉品工場居多, 時至今日呢區已經變成其中一個Hippest destinations. 最主要係Vesterbro區內有條大街 Istedgade, 街上有好多唔同類既餐廳. 最近我仲見到有篇article講The 10 Best Restaurants In Vesterbro, Copenhagen, 有興趣可以睇下. 其中入面提到既 Neighborhood 及 Madklubben 都係一d既型格又好好味既餐廳. 因為兩間餐廳環境太黑, 我只能用iPhone影相就算啦!! 所以相片質素比較差.
繼續哥本哈根既行程啦!! 其實我地去成6日, 都係好hea地遊. 北歐比人既感覺就係好優閒好舒服, 只係消費比其他歐洲地方貴d. 如果唔係留係度都幾好.
之前幾日都係以睇古跡居多, 今日就特別少少, 去睇下Art & Design先. 要知道北歐設計既念以簡約為主, 而又不失潮味. 我地先去 Designmuseum Danmark. Designmuseum Danmark呢座博物館, 原本係一座醫院, 有著古雅18世紀洛可可風建築, 於1890年由丹麥工業協會以及新嘉士伯基金會共同成立.
之前去以為丹麥周圍都買到藍罐曲奇, 點知去到係什麼都見唔到. 後來先知道丹麥藍罐曲奇既來源係生產商做既牛油曲奇, 外加藍罐及丹麥字樣, 就叫做丹麥藍罐曲奇囉, 而且只作海外出售. 所以去到丹麥要找藍罐曲奇就真係有d難度啦! 後見到藍罐曲奇只有機場版, 以及Flying Tiger Copenhagen 有售. 呢罐曲奇我都有試過, 味道唔錯,保留到牛油味香. 如果去到丹麥旅行, 可以考慮買Flying Tiger, 一大罐都係Eur $3.
剛去完十幾日旅行, 加上今日presentation完畢, 我終於可以鬆一口氣, 繼續寫返個blog先. Odense奧登斯係丹麥第三大城市, 亦是丹麥最古老的城市之一, 所以在市區内, 仍然保留着許多中世紀時期哥特式風格的建築物. Odense也是安徒生的出生地, 佢的童年居住地現在已成為一座博物館.
我地由Copenhagen坐火車過去也只不過係1.5小時, 火車會穿過跨海大橋來到Odense. 火車來回票價大約450DKK. 之前都有講過Copenhagen card係唔包呢段火車飛, 所以大家上車前買好來回票啦. 我地係火車上check飛既時候先知道自己坐左霸王車!! 其實係歐洲坐火車, 火車上查票員可以即刻幫我地補返張火車飛既, 不過可能要加收罰款, 咁就唔係咁好啦!! 好彩我地今次遇到個好人, 票務員冇收到我地錢, 但就吩咐我地要買返走既火車飛.
「To be, or not to be; that is the question」是戲劇史上流傳最廣既台詞之一. 我相信未睇過都聽過. 呢個名句出自莎士比亞四大悲劇中《哈姆雷特》Hamlet 又名《王子復仇記》既一句最經典既對白. 《哈姆雷特》在莎士比亞戲劇中係最長既一齣, 也是英國文學中最富震撼力、影響力的戲劇之一 . 《Hamlet》取場地就係丹麥爾辛格Helsingør.
去完冰島玩完, 順道去埋全球最快樂既國家 — 丹麥. 丹麥係全球178個國家中名列快樂國家既榜首. 呢個國家係一個近乎完美既國家, 呢度冇窮人, 老有所終, 壯有所用, 幼有所長, 人民快樂指數爆燈.
我地今次會係丹麥玩足一個星期, 要融入下最快樂既國家生活模式. 係丹麥住酒店, 地點好, 又要新既, 價錢一d都唔平. 所以我係丹麥係冇住酒店, 而係book左Airbnb. 入住左一間當地人既apartment.
今次去冰島, 我地係由香港直飛 Stockholm, 之後第二日一早先飛冰島玩既. 機票方面, 今次我地揀左坐SAS, 可以直航由香港飛到Stockholm, 時間可以慳返唔少呢!! 第一日落機有半日玩, 而第二日早機既關係, 我就揀左係機場酒店住一晚. Quality Hotel酒店好方便, 下面係商場supermarket, 仲有埋機場免費接駁巴士. 房間不大, 不過住一晚冇所謂啦!! 價錢又抵. 我地四個人一間房, 有兩張單人床及一張上下格床.
嘆完杯咖啡之後, 係時候出去走一走, 順度買手信. 最大最熱鬧的街就是Laugavegur大街, 就係我地住既apartment附近. Laugavegur大街有好多商店, 而且每間店舖都有少少特色. 呢間手信店賣好多Iceland Made既物品, 什麼冷衫, 玩具, 杯, magnet…..etc都有. 店外就擺左兩個Icelandic troll公仔可以比人影相.
今日係整個行程揸車最多既一天, 總共433km, 成5個鐘車程. 我地會由冰島北面返回首都Reykjavik, 所以今日只安排去一個景點就最理想啦!! 但細估唔到, 呢個唯一景點, 竟然令到我最無助最煩惱.
今日唯一景點就係冰島西部 Hraunfossar & Barnafoss Waterfalls, 之後便返回首都Reykjavik. 離開Akureyri後, 我地開車先到中途休息站Blönduós. 沿途景色由綠油油變成白茫茫一片.
Mývatn米湖周圍真係幾多野玩, 住一晚真係唔夠呢!! 北面如Húsavík海邊小鎮有觀鯨魚既Tour, 今次去都係冇時間, 寄望下一次吧!! 今晚開始就要返回現代化冰島版, 開始離開自然景觀. 臨走前一定要去埋上帝瀑布 Goðafoss.
估唔到係米湖影完個大晴天之後, 天空又開始變得污雲滿佈. 冰島天氣就係咁啦!! 前一分鐘好天, 可以下一分鐘變為下雨天. 我地仲睇到呢條好巨型既彩虹呢!! 仲要係Double Rainbow.
去完 Grjótagjá , 下一站我地係一號公路轉入848駛入 Hverfjall 的街口. 呢條848路係冇指示牌, 入左路口, 都唔知點行. 唯有跟GPS指示吧!! 整段848一D都唔似係路, 似砂石開出來的, 所以凹凸不平. 慢慢駛入, 見到有車停泊, 我地又跟住照做. 登上 Hverfjall火山口就係呢條路上啦!! 其實要上Hverfjall火山口有兩個方法, 一條直線和另一條超級S型的困難路徑. 比較容易的便是經由848呢段路; 另一條路較斜, 辛苦好多. 呢條看似容易既路, 原來都幾斜.
繼續向北上, 先經過Egilsstöðum. Egilsstöðum係冰島東部第一大城市, 有油站, 超市及商店, 可以作為我地既補給站及休息站. 由Þjóðvegur開車去Egilsstöðum要一個多鐘頭. 落車行下超市Bonus買完晚上既食物後, 又開車走人. 今次行程比較趕, 未能去埋有靚峽灣之名既東面小鎮Seydisfjordur. 其實東面沿路景色怡人, 揸車期間仲見到好靚既冰島馬呢!! 冰島馬比一般馬既體型較細小, 但唔係迷你馬. 冰島馬係嚴禁出入口, 而且只可同類繁殖以維持其優良的純血統. 如果夏天去冰島玩既話, 不妨參加騎馬tour. 今次冇時間, 寄望下次來冰島可以一試騎馬tour.
出發前上網search過那裡吃龍蝦餐最好味, 知道有兩間吃龍蝦餐比較出名既都係Höfn, 我都唔理要揸幾耐車, 總之要去試下啦!! Höfn係冰島係一個出名既龍蝦小鎮, 除了Kaffi Hornið 以外, 仲有一間 Humarhofnin 都好出名. 由冰河湖揸車去Höfn大約一個小時. 去到已經天黑啦!! 加上大家都肚餓, 所以去了較為就腳既Kaffi Hornið.
完成了3.5小時冰川健行之後, 我地要離開Vatnajökull glacier, 臨走前係巴士上影回整個Vatnajökull glacier. 可惜今次太趕, 我地連午餐都係車內搞掂. 未能有機會去埋Skaftafell National Park 內既玄武岩瀑布－Svartifoss ( 下圖取自網絡 
) Blog內相片真係影得好靚, 有興趣不妨去睇睇.
Ishiha Wanderlust 