9 OCT
今日係最後一日係雅典了,玩多幾個鐘,我同小吉子便要起程返香港,結束今次Paper Anniversary之旅,真係唔捨得呢!!不過唔知係咪經過昨日一整天既疲勞轟炸Meteora之後,今日遊雅典也特別順利,順利到連所有入場卷都唔駛比!!
今日天氣真係好,我地第一站先去雅典衛城。不過我地好傻,明明見住個衛城,但係就找唔到門口,因為我地去了另一邊入口呢!! 沿路又沒有牌,行到咁上下,我地見到呢度有點似,其實是風塔,就入去問下管理員點上去,原來隔離有條小路一直往上走便到了另一入口。
去到入口,諗住比$買飛,點知個售票員同我地講:FREE 有冇聽錯呀?! 平時入去係要放低EUR$12/ppl,今日一蚊都唔駛咁得意? 既然係FREE,就無謂再停留,快D行上去睇下先。