開始Tuscany自駕之旅啦!! 由Firenze駕車到San Gimignano, 需時一個小時. San Gimignano係意大利中部地區內算係一個人氣好旺既城鎮, 城內保留了中世紀的建築之外, San Gimignano更有高塔之城既稱號. San Gimignano城牆內全部都是ZTL zone!! 所以要停係城牆外既停車場. San Gimignano萏城區外有4個停車場, 而2號停車場係最近城門口. 其他幾個停車場都係行10分鐘左右便可到城門.
泊好車後, 往上走穿過城門, 便到了主要街道. 兩邊街道全都是小商店
有賣芝士, 火腿, 皮具 & 小食店
有"高塔之城"之犒既 San Gimignano 聖吉米尼亞諾, 緣於中古世紀的貴族彰顯財力及權勢, 紛紛把屋向上起, 起得愈高代表愈有身份地位. 原本有72座高塔, 如今只剩14座.
我地先到達最大既教堂廣場Piazza del Duomo, 廣場上有好多人,
有d坐係到傾計, 有個仲訓係度曬太陽
大教堂Duomo San Gimignano
大教堂內的聖菲納禮堂Cappella di Santa Fina必去參觀!!
內有Domenico Ghirlandaio所畫的濕壁畫.
入面唔可以影相, 所以找來reference圖片, 真係好值得睇!! D畫仲保存得好好!
(source: http://www.duomosangimignano.it/home.htm)
參觀完Cappella di Santa Fina, 出返去廣場, 有很悅耳的豎琴聲
之後當然唔好錯過世界冠軍雪糕店Gelateria di Piazza,
見到條人龍真係幾嚇人!!
連入去都有困難, 想影相都冇辦法.
雪糕店內款式超多, 真係要諗好就叫啦!!
雪糕店係水井廣場Piazza della Cisterna, 我地每人買左一杯兩款味道既雪糕,€2.5.
我點了Pistachio & Champelmo. 吃過後, 又唔覺得太特別!! Vernaccia白酒可以一試.
坐在廣場邊, 邊吃雪糕邊欣賞廣場風光
食完杯Gelato, 周圍行下
整個城鎮有好多小巷, 隨處行, 還會發現更多
有好可愛既店
而且仲見到城外托斯卡尼山丘景色, 綠油油一大片, 真係令人心曠神怡!! 咁靚既山丘景色真係影極都唔想走呢!!
最後行下經過拱門, 又去左另一個地方波波洛宮Palazzo del Popolo
現時為市立美術館, 入場票收€7.5.
係塔上眺望出去既景色, 真係靚!!
Ishiha Wanderlust 
景色好靚！我去意大利差不多日日都食 gelato. 太美味了！
讚讚
開心呢 ~ 自駕遊想去邊就去邊，遇到喜歡的地方就逗留耐d，這樣好玩好多！我覺得你同小吉子好叻，成日自遊行周圍去，又去到咁遠。早陣子，有過一絲希望諗住暑假歐遊，都猶豫緊自遊行定跟團好？雖然唔喜歡跟團，亦唔想走馬看火燈，但我倆都從未到過歐洲、瑞士等地方…唔識安排行程，又怕當地治安唔好，感覺上好似跟團有保障。所以我o也就諗超跟團先，去過好想再去的地方，下次自己再計劃去玩！唉….不過都係得個想字….暑假佢忙得飛起！又要寄望下年啦 ~
讚讚
我前兩星期都去意大利玩, 都有去San Gimignano, 風景好靚, Gelato 真係好好食 …
讚讚
我都日日食gelato呢！真係好正！除左雪糕，意大利什麼都好好味！好想遲d再去意大利玩多d地方。
讚讚
我有去睇你既blog, d相影得好靚！而且你張機票買得好抵呀！我上年去都要成萬元一張直航機票！
讚讚
小高, 你好!! 唔緊要啦!! 去下旅行充電返來開工都精神D. 你同主任去邊都唔咁sweet. Easter會唔會有長d假期, 有時easter去歐洲, 天氣都可以架!! 其實一開始我都係跟團去旅行架乍!! 特別係第一次去歐洲, 我都係跟團去. 10幾日去7個國家, 學你話真係走馬看花, 不過而家跟團應該好好多, 因為團種多左好多, 注重多左旅客既要求. 至於行程安排, 都係上網睇資料合成.
讚讚
My favorite Tuscan town!!! I just miss this place so much
讚讚
Yes, I missed it too!!
讚讚
Ishiha, 多謝你！雖然口經常講話衝出亞洲，去遠d看看…但其實近近地的東南亞我都好鐘意架…好似台灣和曼谷咁…百去不厭！^^其實easter我都覺得係歐遊的好時機，天氣應該比暑假出發時更理想，是嗎？今年easter都有諗過…但時間就不到…加上主任今年有啲大project跟緊，每星期都要開例會，有時又要趕出去開會….我怕佢呢頭話得，但過兩日又話唔得…見佢咁忙都唔敢煩佢了。你說得對，上次去旅行社我們都開宗明義講明唔想去好多個國家，職員都有推介幾個plan比我吔，所以我諗有機會歐遊的話，都係跟左團先！嘻嘻 ~ 預祝happy friday ~ 及有個愉快的周六日！^^
讚讚