我地大約0930落機, 係機場附近既 Blue Car Rental同工作人員check車時, 無啦啦落大雨, 繼而落起雹來!! 好彩其他人係店內等候, 而好Man既吉少就叫我入返去等, 佢就同店員係落雹既環境下繼續check車. 雖然租車過程好快, 但真係冇諗過一出門就遇上呢個情景, 上一次我係香港駕車途中, 都遇上落雹, 第一次都有d驚, 那當然找個簷蓬避一避啦!! 不過冰島好少有簷蓬, 想避都冇!!
拎完車, 第一時間就想去浸一浸先啦!! 藍湖距離Reykjavik International Airport有13公里, 距離首都Reykjavik 39公里. 出發前係網上買好入場票. 而我地剛好用到Winter Price, 都係EUR$35一位. 比夏天平少少啦!! 若果自己帶埋毛巾, 拖鞋入去, 就可以唔駛比多EUR$15. Blue Lagoon應該係年年加價, 2016入場費已經加到EUR$40一個人啦!!
點知一開車, 見個油箱只有兩格油, 唔係呀!! 未去Blue Lagoon前就要去入定油先. 雖然還車時只要跟返取車時油箱幾多就交返幾多. 原先一落機唔駛30mins既車程去Blue Lagoon, 為左要去找油站, 就double up左個時間. 上一篇我都有講過入油係點, 所以呢篇唔講啦!! 幾經波折, 終於安全到達Blue Lagoon啦!!
未入Blue Lagoon門口前, 可以先去門口左側小路, 影個藍湖先. 藍湖係地熱溫泉, 由部分火山熔岩形成, 水溫約37–39 °C. 湖水富含矽、硫等礦物質.
入到去即時唔想出去, 因為都真係幾凍又大風, 所以我地係室內池warm up左一陣先去戶外池. 溫泉中有個Bar, 大家可以嘆住杯凍飲浸溫泉. 所有飲野都係後數, 只要用入場時給你既手帶拍一拍, 係走既時候交還手帶時找數就可以了.
由於溫泉水都keep到37-40c, 那當然唔想帶自己部相機出來. 加上池中滿是人, 放部大機係池邊分分鐘鐘冇左, 於是我地只係帶左部細Action Cam去影下相就算.
最衰後面有工程, Blue Lagoon Hotel加建另一座酒店, 搞到影相出來都有個天秤.
雖然相片質素一般, 係煙霧迷漫既情況下影什麼都唔會清楚. 溫泉邊有幾個大木箱, 入面裝著Silica Mud Mask. 全都是天然, 係又溶解既岩層礦物取成, 所以去到大家都會搽上身搽上面.
浸左45分鐘, 大家都開始覺得係時候走啦!! 之後入更衣室沖埋涼洗頭先離開, 臨走前記住上去二樓影埋個全景先走.
天氣真係不似預期, 而且仲越來越好天.
影相後, 我地係Blue Lagoon Shop內行下睇下佢地既Product. 我d friend就有買Mask同埋Lip balm返香港自用. 如果錯過左呢間Gift Shop, 唔駛買唔到覺得後悔. 其實可以係首都Reykjavik條Shopping street上找到分店再買過架.
今次我都做了冰島map, 方便大家睇返路線, 同埋每日既 itinerary.
行程規劃可以 
睇多d.
睇多d.金圈之旅相關Blog, 可以 睇多d.
睇多d.
Ishiha Wanderlust 
飲住冰飲浸温泉，聽到就知好爽！
讚讚
終於等到你UPDATE喇~~租車公司又會咁得意唔係比FULL TANK 人客嘅?!
讚讚
blue lagoon以前上到3樓架, 有成個天台, 但我最近嗰次去又係上唔到 >.< 其實我哋係咪差唔多時間喺冰島?! 2015年9月?!我鍾意你哋浸住喺水度嗰張相, 好似感受到水嘅溫度咁, 又見到後面嘅天色唔錯, 雖然個樣背光暗啲, 但感受到你哋係開心嘅 ^^
讚讚
我地應該係前後腳去，大家都係15年9月去. 但睇你既相，天氣應該好過我地啊！浸溫泉時成大個太陽係背後，所以影出來背哂光
讚讚
係日本玩完返來啦！之前地震完要轉行程，搞到冇時間寫blog, 而家係時候寫返個冰島blog. 冰島租車又真係冇話比full tank油，不過兩架油又真係少左d
讚讚
冰島天氣好做什麼也開心到爆
讚讚
接住冰島, 再追你日本遊記, 唔好甩稿呀…哈哈
讚讚
努力中…..希望得啦!! 因為我開始要做功課.
讚讚
我都好想去冰島呀~~ 不過唔自駕又好唔方便….
讚讚
你可以揀local tour join. 當地有好多local tour去唔同地方玩架. 不過就未必去到冰島東北面.
讚讚
請問你地係bluelagoon買既mask幾錢啊？
讚讚
請問你地係bluelagoon買既mask幾錢啊？
讚讚
我地係買algae mask, 價錢好似euro 75左右。
讚讚