【ICELAND ☼ 冰與火之旅】鑽石圈 上帝瀑布 Goðafoss, 阿克雷里泊車, 雙塔教堂Akureyrarkirkja, Ice Apartment Akureyri

Published on 由Ishiha Y撰寫

Mývatn米湖周圍真係幾多野玩, 住一晚真係唔夠呢!! 北面如Húsavík海邊小鎮有觀鯨魚既Tour, 今次去都係冇時間, 寄望下一次吧!! 今晚開始就要返回現代化冰島版, 開始離開自然景觀.  臨走前一定要去埋上帝瀑布 Goðafoss.

估唔到係米湖影完個大晴天之後, 天空又開始變得污雲滿佈.  冰島天氣就係咁啦!! 前一分鐘好天, 可以下一分鐘變為下雨天.  我地仲睇到呢條好巨型既彩虹呢!! 仲要係Double Rainbow.

Godafoss上帝瀑布係八千年前, 由火山爆發所造成強烈的地震使河床上下分開成為瀑布.  水量雖不及之前看過既Dettifoss瀑布, 但卻有優美既弧形線條.

好彩去到既時候, 剛好有太陽影照住Goðafoss , 有眷顧整個大地既感覺.

見到有人行到最前的岩石上, 我地又走過去.  要去最前面, 當然要有少少難度, 我地要過河.  眼見水流急,  過河只係靠踩住幾舊石, 身手夠快就可以的了    wowwow, 真係好近!  瀑布聲好大呢!

  河水清澈, 係陽光照射下泛著微微既藍綠色

上帝瀑布既高度其實只有12 Meters,  呢個瀑布奇妙之處就係中間有兩個大石, 將整個瀑布一分為二, 好似有兩條對稱既瀑布一樣.

睇完咁靚既Goðafoss , 要起程返回阿克雷里 Akureyri.

Akureyri係冰島第四大城市, 有國內機場.  有d遊客唔玩冰島西邊, 會以此結束冰島遊.  我地今晚會住係市中心.  而我地今晚book左呢間Ice Apartment Akureyri 就真係有d難找, 找了約半個小時. 因為網內提供既資料係錯, 之後我把車停埋一邊, 四個人不停上網找, 最後我地找到正確地址啦!! 地址正正就係大街Icewear Shop, 真係估佢唔到呢!!  原來Reception就係Icewear店內職員. 超難想像前鋪後居呢個concept竟然係冰島見到.

我地第一次係冰島市中心泊車,  Akureyri泊車係行Parking Disk制度, 基本上泊車係免費, 但係就以15分鐘、30分鐘、1小時、2小時為限.  必須要係過鐘前取車, 不然會收到罰單.   記得經過銀行時入內取張藍色時鐘卡, 將泊車時間調教好放於車頭.  我係check in時問左Reception可以去邊度泊車, 佢就叫我係Apartment後面有個地方泊車的.  泊車既時間睇清楚時限牌.  冰島無論超速或違規泊車, 抄牌罰錢係超貴, 所以大家要留心.  找到一個係冰島泊車Link作參考.

 我地見到間屋真係好鐘意, 間房好新, 廚房超大, 有廳同埋有上層.
Settle後, 我地到外面行下. 一落街超方便, 有餐廳, 記念品店, 藥房.
 而且仲有個好出名既地標Akureyrarkirkja 教堂.
本來今晚想係市中心找食, 不過唔太吸引, 最後又係決定煮飯食.  第二日起身, 我地係樓下找了間餐廳吃個簡單早餐又起程啦!!
去到冰島, 我自己就比較喜歡大自然景觀, 所以係阿克雷里 Akureyri都冇咩行程.  當一個Hea遊就算啦!! 而且愈接近城市, 代表我地冰島既行程快將完結.
行程規劃可以   睇多d.
【ICELAND ☼ 冰與火之旅】冰島行程規劃 租車自駕

在〈【ICELAND ☼ 冰與火之旅】鑽石圈 上帝瀑布 Goðafoss, 阿克雷里泊車, 雙塔教堂Akureyrarkirkja, Ice Apartment Akureyri〉中有 6 則留言

  5. 我都係好鐘意Godafoss個弧形呀, 我成日念念不忘呢個瀑布 ^^住宿新個觀感係好好多, 好鍾意揀新住宿, 寧願路線就一就 :p

    讚

    回應

發表留言

這個網站採用 Akismet 服務減少垃圾留言。進一步了解 Akismet 如何處理網站訪客的留言資料。