┊正✈丹瑞┊瑞典Malmö 🐱🈚 馬爾默一日遊

Published on 由Ishiha Y撰寫
 
 

玩玩下丹麥, 又走左去玩瑞典.  因為 Malmö 馬爾默係瑞典既南邊, 由丹麥Copenhagen機場過去, 只係隔住一條橋, 就好似車行青馬大橋去大嶼山咁, 完全唔駛過海關, 超級方便.  所以好多人去哥本哈根玩會順便玩埋Malmö 馬爾默.  一定近過係瑞典機場-斯德哥爾摩那邊去.

由哥本哈根central station出發, 全程都係35分鐘經Oresund Bridge就可以到Malmö 馬爾默.  火車班次每隔20分鐘, 途經哥本哈根機場.  不過車速算快, 連我想影條橋都影唔到.

到達Malmö, 個火車站都好型下.
火車站有好多食店, 仲有Supermarket呢!!
其中火車站內有間Shop係要必到既, 就係Starbucks Coffee
入到去, 真係好古色古香, 好少見到咁懷舊feel 既Starbucks.

火車站紅磚外觀都幾靚

首先我地去左Information center拎地圖, 然後去找HSB旋轉中心Turning Torso.  沿著海邊行, 會見到橋

景色唔錯架!! 不過有少少大風.
原來要行到去那座大廈都幾遠下, 所以我地離遠影左相算啦!!
 
Malmö 馬爾默唔算太大, 唔需要搭車係可以走到主要景點.  有時行行下發展d建築物設計都幾前衛, 而且好多利用大窗採光.
首先我地去左馬爾默古城堡, 入口位係Malmöhusvagan上
馬爾默古城堡建於1434年, 由瑞典國王Eric of Pomerania建造, 現在係馬爾默博物館.
 入面就一般, 我自己都覺得有d悶.
你睇下吉少做咩就知啦!!  😝 
之後我地去返馬爾默大廣場(MalmöStortorget)
噴水池後邊既建築係Malmö Town Hall
馬爾默聖彼得大教堂(Saint Peter’s Cathedral)可以免費參觀,  大教堂建於西元1319年.  教堂入面都係好簡潔
我地係Malmö馬爾默呢個城市, 以漫無目的方式行下都幾舒服.
既有古色古香既一面, 又有新潮既建築.
 
行完入返去火車站, 睇下有咩餐廳吸引
 見到呢間Bakery & Cake Shop, 有賣相之如, 價錢都好合理.  買返件試下先!!
如果去哥本哈根, 不妨去瑞典Malmö一行, 最重要係夠近, 而且可以用行既方式去重要景點.
 
┊正✈丹瑞┊丹麥 瑞典 行程

┊正✈丹瑞┊瑞典斯德哥爾摩 ⛱ Stockholm
 ┊正✈丹瑞┊全球最快樂的國家–丹麥Denmark 哥本哈根, Nyhavn 新港, Tivoli 蒂沃利花園, Lebara Sim 上網
 ┊正✈丹瑞┊全球最快樂的國家–丹麥Denmark Helsingør 赫爾辛格, Kronborg Castle 克隆堡
┊正✈丹瑞┊全球最快樂的國家–丹麥Denmark Frederiksborg Castle 菲特烈堡 Hillerød Regionaltog
┊正✈丹瑞┊全球最快樂的國家–丹麥Denmark Odense奧登斯 安徒生故居
┊正✈丹瑞┊全球最快樂的國家–沒有藍罐曲奇的丹麥Denmark 哥本哈根 小美人魚 嘉士伯博物館 Lego Store
┊正✈丹瑞┊全球最快樂的國家 丹麥 哥本哈根設計殿堂 Designmuseum Danmark, National Museum Denmark, Illums Bolighus
┊正✈丹瑞┊全球最快樂的國家 丹麥 Rosenborg Castle 玫瑰宮, Roskilde 羅斯基勒

在〈┊正✈丹瑞┊瑞典Malmö 🐱🈚 馬爾默一日遊〉中有 6 則留言

發表留言

這個網站採用 Akismet 服務減少垃圾留言。進一步了解 Akismet 如何處理網站訪客的留言資料。