今日係瀑布之旅, 補返昨日去唔到既Gullfoss黃金瀑布後, 我地出發到Seljalandsfoss. 由Gullfoss黃金瀑布到Seljalandsfoss大約需要揸車1.5hrs. 係冰島見到地方名尾部有foss就即係指瀑布. Seljalandsfoss瀑布雖然水量唔大, 留落來既水流就好似一層面紗一樣罩於山壁的前方. 而瀑布右邊有一條小路可以通到瀑布正後方凹陷的山壁. 所以Seljalandsfoss又稱為水濂洞瀑布.
因為Héradsskólinn Boutique Hostel好近Golden Circle景點, 所以係一個好好既住宿選擇. 呢間Hostel由學校改裝到Boutique Hostel. Hostel內部保留左好多學校既原素, 包括枱枱櫈櫈.
要數冰島旅遊最有名最熱門既行程除左藍湖之外, 就係金圈之旅 Golden Circle啦!! 可以說冇到過金圈就跟無來過冰島一樣. 它主要的範圍在冰島南部, 以首都 Reykjavik 為中心, 行程由此出發環繞幾個特色景點, 再回到 Reykjavik. 其中三個最主要的景點就是 Þingvellir 辛格維爾國家公園, Gullfoss 黃金瀑布, 以及著名間歇泉 Geysir 的地熱谷.
因為一落機之後去左Blue Lagoon浸溫泉, 浸完已經中午了!! 所以快快趕去 Þingvellir National Park. 由Blue Lagoon揸車去Þingvellir National Park, 車程都係一個鐘多D. Þingvellir National Park剛好處於北美洲與歐洲版塊之間, 這條裂縫從西邊地殼下沉而成的險谷橫跨至東北邊山派, 然後落至國會湖（Þingvallavatn）.
羅馬係整個意大利之行既尾站, 我地會留4日3夜. 因為我好遲先book住宿, 為左揀地方方便, 又要近火車站, 所以我就揀左住B&B. 原先我好想book Casa Fabbrini Roma Boutique B&B, 不過只可以住兩晚, 最後見到Biancorèroma B&B評價唔錯, 就book左啦!!
玩埋今日, 我地就會離開南意到羅馬. 係前一晚, 我仲係度心大心細諗係南意仲有6-7小時玩, 應該去邊. 最後我就揀左去龐貝古城. 由Sorrento坐返Circumvesuviana 火車, 到Pompei S. Villa Misteri落車就可以了. Circumvesuviana 火車時間表 
龐貝於公元前600年左右在義大利沙諾河畔的一個小丘上建城. 這個地方當時已經成為希臘人和腓尼基人的良港. 當時當地的希臘人非常強大. 之後公元79年在經歷幾次地震等火山活動徵兆的一週後, 維蘇威火山爆發, 一夜之間將龐貝活埋於火山灰下. 呢度最令人動人心醒的地方係保存左當時的生活、人民以及動物死前的一刻, 全都被火山灰附著而凝固. 1997年被聯合國列為世界文化遺產, 成為意大利最熱門既旅遊景點之一.
上回講到去完藍洞之後, 我地就離開出發到阿瑪菲海岸 Amalfi Coast. 係Capri坐船離開時影, Capri真係好靚. 始終Capri係好popular, 所以人都比較多. 雖然今次到南意時間唔多, 所以我就更加想好好把握時間去埋Positano波西塔諾.
今日行程超級豐富. 之前我都有講過唔想搬來搬去, 以Sorrento為住宿及交通中心, prefer選擇坐其他交通工具去Amalfi海岸玩便算 原本冇打算去藍洞, 不過天氣好到不得了, 唔去藍洞有點可惜. 況且入藍洞唔係你想去就可以入, 都要靠天時地理人和. 有時太大風大浪, 小船會唔開. 如果天氣唔好, 冇陽光的話, 入藍洞又未必睇到呵. 所以今次去到藍洞真係好好彩. 雖然去藍洞係要轉幾次車, 較為煩. 不過我覺得去藍洞係一生必去既其中一個地方.
Sorrento是一個充滿地中海風情的渡假小鎮, 而且周邊有幾個出名既南意小鎮, 包括: Capri島, Amalfi 海岸. 雖然好多人話南意治安唔好, 不過我又唔覺. 我地都有夜晚出銜行, 其實去旅行自己小心d就可以玩得好安心. 今次我會係Sorrento 蘇連多留三日兩夜. 之前都有講過點樣辛苦坐車由Florence到Sorrento, 雖然坐車時間長, 但來到Sorrento 真係好有渡假feel, 應該要好好relax下!!
由Florence出發到Sorrento, 最快坐Frecciarossa 火車到Napoli Centrale 後再轉 Circumvesuviana 火車. 我訂的是 Frecciarossa 9513於佛羅倫斯 SMN火車站10:04開出, 到達時間Napoli Centrale 12:55. 車程約2小時50分鐘. 出發之前, 我係 http://www.trenitalia.com訂飛. 好好彩我又買到早鳥票, 兩張都係 € 58. 平時一張單程都起碼要 € 36 – €45. 想知道國鐵訂票問題, 可以參考Ciao 義大利16天行程內介紹. 一路南下意大利, 天氣就愈來愈好. 好一個大藍天.
好多人都會選擇去Pisa玩返半日, 由Florence出發坐火車去Pisa都係一個小時左右, 而且班次好多, 用半日去玩, 真係夠哂. 不過我自己就冇咩興趣啦!! 之前去過都唔算有太大驚喜, 所以決定改去shopping.
今天一早來到 Uffizi Gallery 烏菲茲美術館, 之前上網做功課既時知道冇預訂門票有可能要排成個鐘先內丁去. 所以我係出發前兩星期左右已經預訂了Uffizi Gallery 08:30 門票. 預訂Uffizi Ticket可到呢個link購買. 我去每張連手續費係 €15 (2014年尾). 最新我check過門票 €12 + Reservation Fee €5.99. 預訂門票時可租埋Audio Guide. 不過我同小吉子決定入到去先租. 早d去可以輕鬆慢慢行, 唔駛怕太多人. 如果大家預訂左Uffizi Gallery 門票, 要早15分鐘到達取票, 去到往右手邊寫住 “Collecting Individual tickets"排隊入內. 冇預訂者就往左手邊排隊. 我自己都估唔到0830咁早, 冇訂票條人龍已經咁長, 龍尾係睇唔到.
到佛羅倫斯其中一樣我想吃的是1kg Florentine T-bone牛扒, 其實之前係Tuscany都好想食, 不過實在太多美食, 所以一直未試過1kg Florentine T-bone會係點. Trattoria ZàZà & Da il Latini係本地算係幾出名既牛扒店. 因為就地點方便關係, 我就去左試Zà Zà.
Ishiha Wanderlust 